Yosua 19:1-51
19 E nkas’a mienze ina yazole+ ibwididi muna Simeone,+ muna kanda dia wan’a Simeone muna vumu yau. E vua diau dikedi vana kati kwa vua dia wan’a Yuda.+
2 Ediadi i vua diau, Bere-seba,+ Seba, Molada,+
3 Kaza-suale,+ Bala, Eseme,+
4 Eletolade,+ Betule, Korema,
5 Sikelange,+ Bete-mankabote, Kaza-susa,
6 Bete-labote+ ye Sarukena—mbanza 13 ye mavata mau;
7 Aini, Rimone, Ete ye Asani+—mbanza yá ye mavata mau;
8 ye mavata mawonso mazieta e mbanza zazi yakuna Balatibeo, Rama a sude. Ediadi i vua dia kanda dia Simeone muna vumu yau.
9 Muna kunku kia wan’a Yuda i mwatuka e vua dia wan’a Simeone, kadi e kunku kia wan’a Yuda kianene. Ozevo, wan’a Simeone batambwidi e vua muna ndambu a kanda dia wan’a Yuda.+
10 E nkas’a mienze ina ya tatu+ ibwididi muna wan’a Zebulune+ muna vumu yau, e mwingilu a vua diau ulueke yakuna Saridi.
11 E mwingilu au utombokele kuna weste yakuna Marala, ulweke kuna Dabesete yakuna ndimba una mantalani ye Yokename.
12 Tuka kuna Saridi uvilukidi kuna este kuna mpaikilu a ntangwa yakuna mwingilu a Kiselote-tabo, uvaikidi kuna Daberate+ yo tomboka kuna Yafia.
13 Tuka kwakuna, uviokele kuna este kuna mpaikilu a ntangwa kuna Ngati-kefe,+ kuna Eta-kasini, uvaikidi kuna Rimone yo luaka yakuna Nea.
14 E mwingilu uvilukidi kuna node kuna Kanatone yo lwaka kuna Ndimb’a Yifetakele,
15 Katati, Nalale, Simerone,+ Yidala ye Beteleme+—mbanza 12 ye mavata mau.
16 E diadi i vua dia wan’a Zebulune muna vumu yau.+ Ezazi i mbanza zau ye mavata mau.
17 E nkas’a mienze ina ya nyá+ ibwididi muna wan’a Yisakare+ muna vumu yau.
18 E mwingilu ukedi kuna Yizerele+ ye Kesulote ye Suneme,+
19 Kafaraime, Sione, Anarate,
20 Rabiti, Kiseyone, Ebese,
21 Remete, Enganimi,+ Ene-kada ye Bete-pasese.
22 E mwingilu ulweke kuna Tabo,+ Sakasima, Bete-semese, o lambuka kwa mwingilu au kulweke kuna Yodani—mbanza 16 ye mavata mau.
23 Ediadi i vua dia kanda dia Yisakare muna vumu yau,+ e zazi i mbanza zau ye mavata mau.
24 E nkas’a mienze ina yatanu+ ibwididi muna kanda dia Asere+ muna vumu yau.
25 E mwingilu au Kelekate,+ Kale, Betene, Akesafe,
26 Alameleke, Amadi ye Misale. Ulweke kuna weste ye kuna Kamele+ yakuna Siko-libenate,
27 uvilukidi kuna este kuna Bete-dangone, ulweke kuna Zebulune yakuna Ndimb’a Yifetakele kuna node, kuna Betemeke ye Niele, uvaikidi kuna Kabule kuna lumonso,
28 ye Eberone, Rekobe, Kamone, Kana, yakuna Sidone Ampwena.+
29 E mwingilu uvilukidi kuna Rama ye kuna mbanza angolo ya Turo.+ Uvilukidi kuna Kosa e ndambuk’andi ulweke kuna mbu, kuna zunga kia Akezibe,
30 Uma, Afeke+ ye Rekobe+—mbanza 22 ye mavata mau.
31 Ediadi i vua dia kanda dia Asere muna vumu yau.+ Ezazi i mbanza zau ye mavata mau.
32 E nkas’a mienze ina yasambanu+ ibwididi muna wan’a Nafetali, muna wan’a Nafetali muna vumu yau.
33 E mwingilu au utukidi kuna Kelefe, vana nti anene kuna Sananimi+ ye Adami-nekebe ye Yabenele yakuna Lakumi; ulweke kuna Yodani.
34 Uvilukidi kuna weste kuna Asenote-tabo, tuka kwakuna uvaikidi kuna Kukoke, ulweke kuna Zebulune kuna sude, ye kuna Asere kuna weste yo kuna Yuda, kuna Yodani kuna este.
35 E mbanza zau zangolo i Sidimi, Sere, Kamati,+ Rakati, Kinerete,
36 Adama, Rama, Kaso,+
37 Kedese,+ Ederei, Enkaso,
38 Yirone, Mingedalele, Koreme ye Beta-nati ye Bete-semese+—mbanza 19 ye mavata mau.
39 Ediadi i vua dia kanda dia Nafetali muna vumu yau,+ ezazi i mbanza zau ye mavata mau.
40 E nkas’a mienze ina yansambwadi+ ibwididi muna kanda dia Dani+ muna vumu yau.
41 E mwingilu a vua diau i Sora,+ Esetaole, Iri-semese,
42 Salabini,+ Ayalone,+ Yitela,
43 Elone, Timena,+ Ekerone,+
44 Eleteke, Ngibetone,+ Balati,
45 Yekude, Bene-berake, Ngati-rimone,+
46 Meyakone, Rakone, e mwingilu utalanini ye Yafo.+
47 Kansi e zunga kia Dani kiakete.+ Muna kuma kiaki, bele nuanisa Leseme,+ babakidi yo, bafwasidi yo muna nsosolo. Bavuidi yo, bazingidi mûna, bayikidi Leseme vo Dani, mun’owu wa nkumbu a Dani wa se diau.+
48 Ediadi i vua dia kanda dia Dani muna vumu yau. Ezazi i mbanza zau ye mavata mau.
49 I mpila yayi bakayanene e nsi se vua muna zunga yandi. Aneyisaele bavene vua kwa Yosua wa mwan’a Nuni, vana kati kwau.
50 Muna lutumu lwa Yave, bamvene mbanza ina kalomba, Timenati-sera,+ muna zunga kia miongo mia Eferaime, Yosua otungidi e mbanza yo kala mo.
51 Ediadi i vua diakayanisa+ Elaza wa nganga yo Yosua wa mwan’a Nuni ye ntu mia nzo za mase ma makanda ma Isaele muna ntew’a nkas’a mienze vana vena Yave kuna Silo,+ vana mwelo wa saba kia wananina.+ Muna mpila yayi, bamene kayanesa e nsi.
