“Sono yawonso yavumunuinua kwa Nzambi.”​—2 Timoteo 3:16, Nsekola ya Nz’ampa.

Dikusadisa mu solola mvutu zasikila za yuvu yamfunu ya zingu.​—Ngana 2:1-5.

Dikuvana luludiku lwamfunu mu mambu ma lumbu ke lumbu.​—Nkunga 119:105.

Dikusadisa mu kala ye vuvu kiasikila kuna twala.​—Roma 15:4.

Elo, kadi vena ye kuma tatu yamfunu:

• Ngwizani. E Bibila kiasonekwa mu kolo kia 1.600 za mvu, tezo kia 40 ma wantu basoneka kio. Ndonga muna yau ke bazayana ko. Kana una vo i wau, e Bibila kiawonso ngwizani kina ye ntu a diambu umosi kaka kivovelanga.

• Lusansu lwa ziku. Asoneki a tusansu twa nza beswekanga mbi a zula yau. Kansi, asoneki a Bibila akwa ziku kadi bayika masumu ma yau kibeni ye ma zula kiau.​—2 Tusansu 36:15, 16; Nkunga 51:1-4.

• Ndungan’a ungunza. Vitila 200 za mvu, Bibila kiasakula lufwasu lwa mbanz’a Babele. (Yesaya 13:17-22) Kiayika una yadi fwasilwa ye nkumbu nkutu ya muntu wadi yo fwasa.—Yesaya 45:1-3.

  Vena ye ungunza wayingi wa Bibila walungana kala. Ediadi disonganga vo kwa Nzambi kieleka kiatuka.—2 Petelo 1:21.