Nona ina muna Bibila:

• Kim 12:1-8—Solomo wa Ntinu wasadila mvovo mia ngemba muna yika e mpasi za kinunu, nze lembi toma mona, (“e ndumba zitalanga vana zianela bemona kaka e tombe”) yo lembi toma wa diaka (“o wan’amakento awonso a nkunga beyoya”)

Nona ina muna Bibila:

• 1Sa 12:2, 23—Samuele wa ngunza ona wakala nunu, wazaya o mfunu wa kwamanana samba muna wete dia nkangu a Yave

• 2Sa 19:31-39—Davidi wa ntinu wavutula matondo kwa Bazilai wa nunu muna lusadisu lwandi, kansi vava Davidi kanlomba kasauka yandi kuna Yerusaleme, Bazilai wasonga lulembamu yo zaya e tezo kiandi

• Nk 71:9, 18—Vava Davidi wa ntinu kamona wonga yo kuyimwena vo kakala diaka wafwana ko mu kuma kia kinunu, walomba kwa Yave kamvana o nkuma kimana kalonga e mbandu ilanda

• Luk 2:36-38—O Ana wa ngunza, ona wakala nsona ye nunu, wasambulwa wau kasonga o vema muna salu kia Yave

Nona ina muna Bibila:

• Tuk 12:1-4 —Vava Abarayama kakala ye mvu 75, Yave wamvana e kiyekwa kiasoba e zingu kiandi

• Dan 10:11, 19; 12:13—Vava Daniele kakala ye mvu 90, mbasi mosi wakingula, wankasakesa muna kumvovesa vo wantalu vana meso ma Yave ye okunsambula mu kuma kia lukwikilu lwandi

• Luk 1:5-13 —Yave wasambula Zakariya yo Elisabete vava bawuta Yoane mu mpil’a sivi muna kinunu kiau

• Luk 2:25-35—Yave wavana e lau kwa Simone wa nunu, dia mona o nsedia ona wakituka Masia. Simone wasakula ungunza mu kuma kiandi

• Mav 7:23, 30-36—Mose wa ngunza mvu 80 kakala miau vava o Yave kamvana e kiyekwa kiafila o nkangu andi Isaele

Nona ina muna Bibila:

• Tuk 45:9-11; 47:12—Yosefe wabokelesa Yakobo wa se diandi dia nunu yo kunlunga-lunga yavana kafwa

• Ru 1:14-17; 2:2, 17, 18, 23—Rute wakasakesa Naomi wa nunu muna mvovo ye mavangu

• Yoa 19:26, 27—Ekolo kafwanga vana nti ampasi, Yesu wavana e kiyekwa kia lunga-lunga o ngudi andi kwa Yoane wa ntumwa ona katoma zolanga