Забур 78:1—72
Маскил. Асаптын+ ыры.
78 Оо, элим, акыл-насаатыма* кулак сал,Оозуман чыга турган сөздөргө кулак төшө.
2 Оозуман накыл сөздөр чыгат,Байыркы табышмактар куюлат.+
3 Уккан-билгендерибизди,Ата-бабаларыбыздын айтып бергендерин,+
4 Алардын урпактарынан жашырбайбыз.
Жахабанын мактоого татыктуу иштери менен күчү жөнүндө,+Жасаган ажайып иштери жөнүндө+Келерки муунга айтып беребиз.+
5 Ал Жакыптын урпактарына осуят,Ысрайылдын урпактарына мыйзам берген;Ошол нерселерди балдарына айтып берүүнүАта-бабаларыбызга буйрук кылган.+
6 Аларды келерки муун,Төрөлө турган балдары билиши үчүн ошондой буйрук кылган.+
Балдары болсо өз балдарына айтып бермек.+
7 Ошондо алар Кудайга таянышмак.
Кудайдын иштерин унутпай,+Осуяттарын аткарышмак.+
8 Ошондо ата-бабаларынан айырмаланып,Өжөр, козголоңчул муун болушмак эмес,+Оюн өзгөртө берген,Кудайга берилгендигин сактабаган муун болушмак эмес.+
9 Эпрайымдын урпактары жаа менен куралданышса да,Салгылаш күнү артка чегинишкен.
10 Алар Кудай менен түзгөн келишимин сакташкан эмес,+Анын Мыйзамын аткаргандан баш тартышкан.+
11 Анын эмнелерди кылганын,Көрсөткөн ажайып иштерин да унутуп коюшкан.+
12 Кудай алардын ата-бабаларынын көзүнчөМисир* жеринде, Соанда+ кереметтерди көрсөткөн.+
13 Деңизди экиге бөлүп, ата-бабаларын өткөргөн,Сууну дубалдай кылып тургузган.+
14 Күндүз аларды булут менен,Түнү бою оттун жарыгы менен жетектеген.+
15 Чөлдөн аскаларды жарып,Чоң суудан ичиргендей алардын суусунун кандырган.+
16 Зоокадан суу чыгарган,Сууну дайрадай агызган.+
17 Бирок алар чөлдө Эң Жогорку Кудайга каршы козголоң чыгарып,+Анын алдында күнөөгө бата беришкен;
18 Өздөрү эңсеген тамагын талап кылып,Жүрөктөрүндө Кудайды сынашкан.+
19 Ошондуктан: «Чөлдө Кудай бизге тамак бере алмак беле?» — деп,Ага каршы сүйлөшкөн.+
20 Ал асканы чапканда,Суулар агып, суу агымдары оргуштаган.+
Алар болсо: «Ал бизге нан да бере алабы?
Элин этке тойгуза алабы?» — дешкен.+
21 Муну укканда Жахаба катуу каарданган,+Жакыптын урпактарына от түшүргөн,+Ысрайылга жаалын чачкан.+
22 Анткени алар Кудайга ишенишкен эмес,+Анын сактап кала аларына ишенишкен эмес.
23 Ошон үчүн Кудай булуттуу асманга буйрук берип,Асман эшиктерин ачкан.
24 Элине жегенге манна жаадырып турган,Асмандан азык* берген.+
25 Адамдар кубаттуулардын*+ нанын жешкен,Кудай аларга тоюшунча азык берген.+
26 Асмандан чыгыш шамалын,Күчүн колдонуп түштүк шамалын соктурган.+
27 Аларга этти чаңдай,Канаттууларды деңиз кумундай көп кылып жаадырган.
28 Ал канаттууларды өз конушуна,Чатырларынын айланасына түшүргөн.
29 Алар ашыра тоюшкан,Кудай аларга каалаганын берген.+
30 Бирок алар оозундагысын жута электе,Көксөөсүн кандыра электе,
31 Кудай аларга каарын төккөн.+
Эң күчтүүлөрүн өлтүргөн,+Ысрайылдын эр-азаматтарын сулаткан.
32 Ошого карабай алар ого бетер күнөө кыла беришкен,+Анын ажайып иштерин көрүшсө да, ишенишкен эмес.+
33 Ошон үчүн Кудай алардын тек гана дем сыяктуу болгон өмүр күндөрүн соңуна чыгарган,+Капыстан кырсыкка кабылтып, өмүр жылдарын аягына чыгарган.
34 Кудай айрымдарын өлтүргөн сайын, алар андан ырайым кылышын суранышкан,Кайрадан ага кайрылып, аны издешкен.+
35 Себеби Кудай алардын Аска-зоосу экенин,+Эң Жогорку Кудай кун төлөп Куткаруучусу* экенин эстешкен.+
36 Бирок аны оозу менен алдап,Тили менен калп айтканга аракет кылышкан.
37 Ага бүт жүрөгү менен берилишкен эмес,+Аны менен түзгөн келишимин сакташкан эмес.+
38 Бирок Кудай кайрымдуулук кылган,+Күнөөлөрүн кечирген, аларды кырып таштаган эмес,+Аларга бүт жаалын чачпай,Көп жолу каарын кайт кылган.+
39 Себеби алардын тек гана пенде экенин,+Согуп өтүп, кайра кайрылып келбей турган жел* экенин унуткан эмес.
40 Алар ээн талаада ага каршы канча жолу козголоң чыгарышкан,+Чөлдө канча жолу көңүлүн оорутушкан!+
41 Кудайды кайра-кайра сынашкан,+Ысрайылдын Ыйыгын кейитишкен.
42 Анын кудуреттүү күчүн,Душмандан куткарган күнүн унутуп коюшкан.+
43 Мисирде көрсөткөн жышаандарын,+Соанда жасаган кереметтерин,
44 Мисирликтер суу иче албай калышы үчүн,Нилдин чоң арыктарындагы сууну канга айлантканын унутуп коюшкан.+
45 Кудай аларды чактырыш үчүн уюлгуган көгөөндөрдү,+Жүдөтүп кыйнаш үчүн бакаларды жиберген.+
46 Түшүмүн бүт баарын мойсогон чегирткелерге,Мээнетинин үзүрүн уюлгуган чегирткелерге берген.+
47 Жүзүмүн мөндүр менен,+Анжир дарактарын добул* менен талкалаган.
48 Жүк ташыган жаныбарларын мөндүр менен,+Малын катуу чагылган* менен кырган.
49 Аларга кайнаган каарын төккөн,Заарданып, ачууланып, алаамат түшүргөн,Кыйратыш үчүн периштелердин кошуунун жиберген.
50 Аларга жаалын чачкан.
Өлүмдөн сактап калган эмес,Жугуштуу оору каптаткан.
51 Акырында Мисирдеги бардык тун балдарды,+Хамдын чатырларындагы туңгучтарды кырган.
52 Анан өз элин Мисирден алып чыгып,Чөлдө отордогу койлордой кылып жетектеп жүргөн.+
53 Жол көрсөтүп, коргоп жүргөн,Алар эч нерседен коркушкан эмес,+Душмандарын болсо деңиз басып калган.+
54 Анан Кудай өз элин ыйык жерине,Күчү менен басып алган ушул тоолуу аймакка алып келген.+
55 Башка элдерди алардын алдынан кууп чыккан,+Аларга өлчөп, мурас бөлүп берген,+Ысрайылдын урууларын үйлөрүнө отурукташтырган.+
56 Бирок алар Эң Жогорку Кудайга каршы чыгып, аны сынай беришкен,+Эскертүүлөрүнө көңүл бурушкан эмес.+
57 Ата-бабаларына окшоп, андан баш тартып, ишенимсиздик кылышкан.+
Кылы бошоп калган жаадай ишеничтүү эмес болуп калышкан.+
58 Бийик жерлерде жалган кудайларга сыйынып, Кудайга акарат кыла беришкен,+Аны оюлуп жасалган буркандары менен каардантышкан*.+
59 Кудай муну көрүп каарданган,+Ысрайылды толук четке каккан.
60 Акырында Шилодогу ыйык чатырды,+Пенделердин арасындагы өзү жашаган чатырын таштап кеткен.+
61 Душмандын сандыкты* алып кетишине,Өзүнүн күчү менен даңкын билдирген нерсени алып кетишине жол берген.+
62 Элин кылыч мизине алдырган,+Аларга каарданган.
63 Жигиттерин от жалмаган,Кыздарына үйлөнүү үлпөтүндөгү ырларды ырдашкан эмес.
64 Дин кызматчылары кылычтан кырылган,+Аялдары аларды жоктоп ыйлаган эмес.+
65 Ошондо Жахаба уйкудан ойгонгондой ойгонгон,+Шараптан соолуккан жоокердей ойгонгон.+
66 Анан душмандарын артка качырган,+Аларды түбөлүккө маскара кылган.
67 Ал Жусуптун урпактарын* четке каккан.
Эпрайым уруусун тандаган эмес.
68 Анын ордуна, Жүйүт+ уруусун,Өзү сүйгөн Сион тоосун тандап алган.+
69 Ыйык жайын асмандай түбөлүктүү,+Өзү түбөлүккө түптөгөн жердей кылымдар бою тура тургандай кылган.+
70 Кызматчысы Дөөтүнү тандап,+Кой короолордон алып чыккан,+
71 Козулуу койлорду багып жүргөн жеринен алып чыккан.
Анан аны койчу кылып, ага эли Жакыпты,Менчиги Ысрайылды кайтартып койгон.+
72 Дөөтү аларды чын жүрөктөн кайтарып,+Мыкты жетектеген.+
Шилтемелер
^ Же: «мыйзамыма».
^ Египет.
^ Же: «Асмандын данын».
^ Же: «периштелердин».
^ Же: «Эң Жогорку Кудай Өч алуучусу».
^ Же балким: «Өтүп кеткенден кийин кайрылып келбей турган рух».
^ Мөндүр.
^ Же балким: «калтыратма».
^ Же: «кызгантышкан».
^ Сыягы, келишим сандыгын билдирет.
^ Сөзмө-сөз: «чатырын».
