Колосалыктарга 3:1—25
3 Эгер Машаяк менен бирге тирилген болсоңор,+ анда асмандагы нерселерге умтулгула; ал жакта Машаяк Кудайдын оң тарабында отурат.+
2 Дайыма жердеги эмес,+ асмандагы нерселерди ойлогула.+
3 Анткени силер өлгөнсүңөр жана өмүрүңөр Кудай менен биримдикте болгон Машаяктын колуна тапшырылган.
4 Өмүрүбүз болгон Машаяк+ күчүн айкын көрсөткөндө, силердин да аны менен кошо даңкка бөлөнгөнүңөр айкын көрүнөт.+
5 Ошон үчүн жыныстык адеп-ахлаксыздыкка*, ыпыластыкка алып барган каалоолоруңарды, ээ-жаа бербеген жыныстык кумарларыңарды,+ бурканга табынууга жаткан ач көздүккө алып барган жаман каалоолоруңарды түп-орду менен жок кылгыла*.+
6 Себеби андай иштерди кылгандарга Кудайдын каары төгүлөт.
7 Силер да бир кездерде ошондой иштерди кылчусуңар*.+
8 Бирок азыр булардын баарынан: каардан, ачуудан, кара ниеттиктен,+ кемсинтерлик сөздөрдөн арылгыла;+ оозуңардан эч кандай адепсиз сөз+ чыкпасын.
9 Бири-бириңерге калп айтпагыла.+ Жаман иштериңерди таштап, эски табиятты кийим сыяктуу чечип салгыла да,+
10 Кудай берген жана ал жөнүндөгү так билимдин негизинде жаңыланып турган жаңы табиятты кийгиле.+ Ошондо табиятыбыз барган сайын Кудайдыкына көбүрөөк окшошо берет.+
11 Андайда грек да, жүйүт да, сүннөткө отургузулганы да, отургузулбаганы да, бөтөн жерлик да, скиф* да, кул да, эркин адам да — баары бирдей болуп калат; себеби Машаяк — бардыгы жана бардыгында.+
12 Ошондуктан Кудай тандап алган+ ыйык, сүйүктүү адамдар катары боорукердик менен назиктикти,+ ак көңүлдүктү, момундукту,+ жумшактыкты,+ чыдамкайлыкты+ кийим сыяктуу кийгиле.
13 Кимдир бирөөңөрдө башка бирөөгө нааразы болгонго себеп болсо да,+ көтөрүмдүү болуп, бири-бириңерди айкөлдүк менен кечиргиле.+ Жахаба силерди айкөлдүк менен кечиргендей, силер да айкөлдүк менен кечиргиле.+
14 Ушулардан сырткары, сүйүүнү да кийим сыяктуу кийгиле,+ себеби адамдарды чындап бириктирип турган нерсе — так ошол сүйүү*.+
15 Жүрөгүңөрдө Машаяктын тынчтыгы өкүм сүрсүн,+ анткени Кудай силерди бир денени түзүп, ошондой тынчтыкта болгонго чакырган. Ошондой эле дайыма ыраазы боло билгиле.
16 Жүрөгүңөр Машаяктын окууларына дайыма толуп турсун, ошонун аркасында акылдуу болосуңар. Мындан ары да забурларды,+ Жахаба Кудайды даңктаган жана ага сыйынганда ырдалган ырларды ыраазычылык менен ырдап, бири-бириңерди кубаттандырып, үйрөтө бергиле. Ырдаганда чын жүрөктөн ырдагыла.+
17 Эмне жөнүндө сүйлөсөңөр да, эмне иш кылсаңар да, баарын Мырзабыз Исанын аты үчүн* кылгыла. Асмандагы Атабыз Кудайга ал аркылуу ыраазычылык билдиргиле.+
18 Аялдар, Мырзабыздын жолдоочуларынан талап кылынгандай, күйөөңөргө баш ийгиле.+
19 Күйөөлөр, аялыңарга болгон сүйүүңөрдү муздатпагыла,+ аларга каарданбагыла*.+
20 Балдар, дайыма ата-энеңердин тилин алгыла,+ анткени бул Мырзабызга жагат.
21 Аталар, балдарыңардын көңүлү чөгүп калбашы үчүн, аларды кыжырдантпагыла.+
22 Кулдар, кожоюндарыңарга бардык жагынан баш ийгиле.+ Бирок адамдарга жаккысы келгендерге окшоп алардын көзүнчө эле эмес, чын жүрөктөн, Жахабадан корккондуктан баш ийгиле.
23 Эмне иш кылсаңар да, аны адамдар үчүн эмес, Жахаба үчүн кылгандай, жан-дилден кылгыла.+
24 Анткени Жахабадан сыйлыкка мурас аларыңарды билесиңер.+ Кожоюнуңарга, Машаякка, кулдары катары кызмат кылгыла.
25 Ал эми ким жамандык кылса, кылган жамандыгы үчүн тиешесин алат,+ себеби Кудай эч кимге тартпай, калыс сот жүргүзөт.+
Шилтемелер
^ Сөзмө-сөз: «дене мүчөлөрүңөрдү өлтүргүлө».
^ Же: «ошолордой жашачусуңар».
^ Бул жүрүм-турумунан, салт-санааларынан улам башкалар теңине албаган караңгы адамдарды билдирген.
^ Же: «сүйүү — биримдиктин жеткилең түйүнү».
^ Же: «атынан». Башкача айтканда, Исанын өкүлү катары, анын бийлиги менен.
^ Же: «катаал мамиле кылбагыла».
