Накыл сөздөр 5:1—23
5 Уулум, акылман сөздөрүмө кулак сал,Кыраакылык жөнүндөгү кебимди кунт коюп ук.+
2 Ошондо ой жүгүртүү жөндөмүңдү сактайсың,Дайыма чыныгы билимге ылайык сүйлөйсүң.+
3 Бузулган* аялдын тили аарынын уюгунан тамган балдай таттуу,+Сөздөрү майдан да жумшак.+
4 Бирок анын айынан акыры эрмен жегендей эле болосуң,+Ал кош миздүү курч кылычтай жаралайт.+
5 Анын буту өлүм жолуна алып барат,Кадамдары түз эле көргө* жетелейт.
6 Ал өмүргө алып барчу жол жөнүндө ойлонбойт,Адашып жүрөт, каякка баратканын да билбейт.
7 Ошондуктан, уулум*, мага кулак сал,Айткандарымды укпай койбо.
8 Андай аялдан алыс жүр,Үйүнүн босогосуна жакындаба.+
9 Болбосо башкалардын алдында кадыр-баркыңды жоготосуң,+Калган өмүрүңдү азап чегип өткөрөсүң.+
10 Мал-мүлкүңдү* башкалар пайдаланат,+Мээнет кылып тапканыңдын пайдасын башка бирөө көрөт.
11 Алдан-күчтөн тайып, ден соолугуң кеткенде,Өмүрүңдүн аягында онтоп кыйналасың.+
12 Ошондо: «Акыл-насаатты эмнеге жек көрдүм экен?!
Айткан кеңешти эмнеге укпай койдум экен?!
13 Устаттарымдын тилин албай койгон элем,Окутуучуларымды укпай койгон элем.
14 Акыры жүрүп бүт жамааттын көзүнчөЖашоомду талкаладым»,— дейсиң.+
15 Өз кудугуңдагы суудан,Өз булагыңдан аккан суудан ич.+
16 Булактарыңды көчөлөргө,Агын сууларыңды аянттарга агызып эмне кыласың?+
17 Алар сага гана таандык болсун,Бөтөн бирөөлөр менен бөлүшпө.+
18 Булагың баталуу болсун,Сенин кубанычың жаш кезиңде алган аялың болсун,+
19 Маралдай сүйкүмдүү,Кайберендей керилген аялың кубанычың болсун.+
Анын төшү ар дайым кумарыңды кандырсын*.
Ар убак махабатына арбалып мас бол.+
20 Уулум, бузулган* аялга кумарыңды арттырып эмне кыласың?
Же аягы суюк* аялдын төшүн кучактап эмне кыласың?+
21 Адамдын кылган ишинин баары Жахабанын көз алдында,Ал анын бардык кадамдарын байкап турат.+
22 Ыймансызды өз кылмыштары тузакка түшүрөт,Ал өзүнүн күнөөсүнө чырмалат.+
23 Ашкере акылсыздыгынын айынан адашат,Акыл-насаатты четке каккандыктан өмүрүнөн ажырайт.
Шилтемелер
^ Сөзмө-сөз: «Чоочун». Сыягы, Кудайдын адеп-ахлак нормаларынан алыс болгон аял жөнүндө сөз жүрүп жатат.
^ Сөзмө-сөз: «уулдарым».
^ Же: «Күчүңдү».
^ Же: «мас кылсын».
^ Сөзмө-сөз: «чоочун». Сыягы, Кудайдын адеп-ахлак нормаларынан алыс болгон аял жөнүндө сөз жүрүп жатат.
^ Сөзмө-сөз: «бөтөн жерлик». Сыягы, Кудайдын адеп-ахлак нормаларынан алыс болгон аял жөнүндө сөз жүрүп жатат.
