•   “Hata dia Chine diazonzele yaninga ‘dia ngolo’ diyôkele na tisihu (été) tia ntatu tiyôkele tia yuma.”​—The Guardian, 7 SEPTEMBRE 2022.

•   “Tûka mvula tanu, lweka lwa Afrique lubwabanaka na bisihu bia ngolo.”​—UN News, 26 août 2022.

•   “Tisihu tia nkatika tia ngolo tita zolo tulumuka mu lweka lwalwingi lwa ku Europe, mpe tilendi bâ tisihu tiyôkele ngolo tûka mvula 500.”​—BBC News, 23 août 2022.

 Bantu ba mayela babingi bata tâ ti bisihu bia ngolo mbo bitatamana mpe bilendi yikama ngolo. Ngano tivuvu tie kô tia bilumbu bia mbote? Ngano Bibila bwe ditâka?

 Bibila diabikula mu bungu dia ntangu ya beto:

•   “Mu mbuka za mpila na mpila mbo kubâ nsatu.”​—Like 21:11.

 Bisihu nsatu za ngolo bivulu nataka. Kondo kwa bidia kwa mpila yo, kutulumunaka mpasi na lufwa, mbikululu ya Bibila kulungisaka.​—Nzabukusu 6:6, 8.

 Bibila musamu wa nguri ditâka wusaka ti bisihu biabâ nkatika ngolo. Bibila ditâka:

•   “Muntu wu kwe yende ka wena na lenda ko dia twarisa ntambi zandi.”​—Yeremi 10:23.

 Musamu wo wuzololo tâ ti bantu ka balendi’â ‘batwarisa ntambi zawu’ ko, peleko ka balendi’â batiyâla bawu beni ko. Mpila’awu ya mbi ya yirikila misamu yitulumunaka bisihu na kondo kwa mamba.

•   Basiantifike babîngi basingasaka ti bisalu bia bantu bitulumunaka yaninga, mpe bisihu biayikiri nkatika ngolo mu nza.

•   Bwimi na politike za mbi biatumini bantu mu zenga masangi, mu bebesa mamba, mwela na mutoto, na mu yôkesaka ndilu mu mpila ya sarilaka bima bia nza.

 Kâ Bibila, tivuvu dihanaka.

 Bibila dikanisini ti Nzambi mbo kasukisa misamu misaka ti mamba makondo. Ngano bwe?

1.  1. Nzambi mbo “[kafukisa] bô bata bebesa mutoto.” (Nzabukusu 11:18) Yandi mbo kakatula musamu wutulumunaka kondo kwa mamba​—Bantu ba mbi mpe bê na bwimi, mpe bê na nsalulu zibebesaka mutoto.​—2 Timote 3:1, 2.

2.  2. “Mutoto wa yuma mbo wutituka tizinga tifuluka mu mahe.” (Izaya 35:1, 6, 7) Nzambi mbo kamanisa mpasi za tulumuni bisihu bia ngolo mpe mbo kasa ti mutoto wabâ na mamba ma fwanana.

3.  3. “Mutoto kipaka mpe mbo saka ti watomo buta mpe wavwama.” (Mikunga 65:9) Na lusakumunu lwa Nzambi, bidia mbo bisampa ha mutoto na mamba ma mbote mu bungu dia bantu babansoni.