TIMOKO TIA 9
Ntsia mpila kanda diaku dilenda bela mu nsayi e?
1. Mubwenabwe makwela mafweni tsonama ku luyalu ngati kanda diaba na nsayi e?
Nsangu za mbote kwe Yehova zitukiri, Nzàmbi ya nsayi, yandi zololo ti makanda maba na nsayi. (1 Timote 1:11) Ni yandi wayirika makwela. Makwela mafweti tsonama ngati kanda diaba na nsayi mubunguti bala mbo bakurila ha kati dia bibuti mu batanina. Bakristo bafweti jitisa mishiku mia ntsi’awu mitatarila tsonekesa kwa makwela ku luyalu.—Tanga Like 2:1, 4, 5.
Nzàmbi bwe kamwinaka makwela e? Zololo ti makwela maba mvukani ya mankululu ya m’kento na bakala. Yehova zololo ti m’kento na bakala baba bakwikama kwe bawu na bawu. (Bahebre 13:4) Wonda kwa makwela belele ko. (Malaki 2:16) Tsibila tsimoshi kwa kahanini bakristo muswa wa wonda makwela mpe wa vutu kwela muntu kaka: tala ti m’keto peleko bakala tsinsuza kashiri.—Tanga Matie 19:3-6, 9.
2. Ntsia bifu mulumi na mukazi bafweni songasana e?
Yehova wasala m’kento na bakala ngati basalasana mu makwela. (Mbatukulu 2:18) Bakala bokena m’fumu kanda, ni yandi fweni kipa n’satu za tsinsuni za kanda diandi mpe fweni balongisa mambu ma Nzàmbi. Mu bungu dia luzolo lwa m’kento’andi, bakala fweti tambula mu tsiyimina misamu miakaka. M’kento na bakala bafweti zolosono mpe jitasana. Mbo bena bantu ba masumu, bakento na babakala bafweti longoka mu tsilemvokila; dio ni kolo dinataka nsayi mu makwela.—Tanga Bisi-Efeze 4:31, 32; 5:22-25, 33; 1 Piere 3:7.
3. Ngâna lufweni hambana tala ti misamu kamitatoma ko mu makwela meno e?
Tala ti nzingula zeneno mu makwela meno, beno bole lufweni sarila ngolo mu songasana luzolo. (1 Bisi-Korente 13:4, 5) Zu dia Nzàmbi kaditatuma rambana ko mu manisa nzingula za makwela.—Tanga 1 Bisi-Korente 7:10-13.
4. Bala, Nzàmbi mie kazololo mu bungu dia beno e?
Yehova wenandi lwaba na nsayi. Malongi mayokele bubote kataluhana ngati lwaba na nsayi mu buntwenia bweno. Wenandi lwabakila mambote mu ndwenga za bibuti bieno na misamu mibabwabana na mio. (Bisi-Kolose 3:20) Yehova zololo mpe lwamona nsayi mu sarila luzolo lwandi na lwa Mwanandi.—Tanga Ekleziaste 11:9–12:1; Matie 19:13-15; 21:15, 16.
5. Bibuti bala beno bwe balenda bela na luzingu lwa nsayi e?
Lufweni sala ngolo mu dikila, lwikila mpe hana mbuka ya sekela kwe bala beno. (1 Timote 5:8) Kâ bala beno mu ba na luzingu lwa nsayi, lufweni balongisa mu zolo Nzàmbi na mu tsibika yandi kabalonga. (Bisi-Efeze 6:4) Lwamana basongila ti Nzàmbi yandi luzololo, tsifwani tsieno tsilenda tomo shimba mutima’awu. Tala ti Bibila lutasarila mu balonga, malongi meno malenda sungika mbanzulu zawu.—Tanga Lubambu 6:4-7; Bingana 22:6.
Bubote mu tsindisaka mpe mu lonaka bala beno, kâ mpe lufweni basungika mpe basemba. Nsungukulu yawuyo yilenda batanina mu bifu bio bilenda banatina nfietokoso. (Bingana 22:15) Kâ, kalufwenia basembela mu nkeshi na mu mutima ngolo ko.—Tanga Bisi-Kolose 3:21.
Mbangi za Yehova mabuku mamingi badukisaka mu sarisa bibuti na bala bawu. Mabuku mango misamu mia Bibila mazonzelaka.—Tanga Mikunga 19:7, 11.
