YOMARA na mpangi zandi za bakala—Marcelo na Hiver—ku hata dimosi dia fioti babêlaka dia ku Guatemala. Yomara wayizi batika mu longoka Bibila na Mbangi za Yehova, ha manima mpangi zandi za zole zayizi batika mpe mu longoka. Kâ musamu weri kô. Ba batatu meso ma fwa me nawu mpe ka beri’â na lenda ko dia tanga braille (bitsono bia bantu bafwa meso). Buna, bantu beri balongesaka Bibila mbo beri ba tangilaka mukanda wu beri longokaka na verse.

Musamu wakaka wa mpasi ni mu kwenda ku tukutakanu twa timvuka. Bawu beni ka baketi’â lenda ko mu yôkesa minute 40 mu nzila ngatu batûla ku Nzo ya Nsambululu. Kâ mpangi za timvuka zayizi kubama mu ba nata ku tukutakanu twatwansoni. Mpe bu babatika mu sa devware na milongoki mia Bibila ku lukutakanu lwa ha kati dia lumingu, bampangi mbo beri ba bakisaka mu simba devware zawu mu mutu.

Mu mai 2019, babatika mu sa tukutakanu twa timvuka ku hata diawu. Mu ntangu yo mpe, bantu bole ba kwelana bayizi bâ ku hata dio. Bayizi bonga nzengolo ya longesa braille kwe milongoki mio miafwa meso ni bu sa ti bantu bô bakwelana ka bazaba ko mu tanga na mu tsoneka braille. Bayenda ku biblioteke yimosi mu longoka braille na mu zaba mpila yi balongeselaka yo.

Ha manima ma mwa ngonda, wayizi bâ musamu wa fioti kwe milongoki mio mia mitatu mu tanga braille, mpe bayizi bâ na lenda dia kula mu timpeve. Bwawu bu, Yomara, Marcelo, na Hiver bayika mipasuri-nzila mia ntangu zazansoni. Marcelo tibakisi mu tisalu tiena. Ba batatu,Bwabwingi basalaka mu tisalu tia Yehovatumingu twatwansoni. Luhemo lwawu mu tisalu tia samuna lwanata bantu bakaka mu bâ mpe na luhemo.

Mpangi zo za zitatu, mbo zitomo tondaka mu lubakusu lwa luzolo lwa ba hana timvuka. Yomara têle ti: “Tûka mbala ya ntete yi tabwabana, Mbangi za Yehova zatusongela luzolo lwa matieleka lwa Bakristo.” Marcelo mpe vutulu yika ti: “Ndiku za nguria za mbote ze neto mu timvuka, mpe mu kanda dia luzolo dia bampangi ba mu nza ya mukaka twena.” Yomara na mpangi zandi mbo bakêlaka na timina lumbu tibâ mutoto Paradi.—Mik. 37:10, 11; Iza. 35:5.