Ngano Diabulu bwe kena?

WÂ MU

Mvutu ya Bibila

Diabulu mpeve yena, ka monekaka ko; wuzololo tâ ti kena na nitu ya bantu ko.—Bisi-Efeze 6:11, 12.

Diabulu ntiana nkombo bavulu mu monekesaka, na mampoka, na mutila, mboko na dionga ha koko. Bantu bakaka banzaka ti bifwani bio, bantu babatika mu sala bio, tûka mvula 1 000 bayizi zinga. Mpe bantu bango, kampe tikulu na binsamu bia ntangu yina bieri batumaka mu sala bio.

Bwe Bibila ditâka mu bungu dia Diabulu?

Bibila mpila zazingi disarilaka mu zonzela Diabulu. Mpila zango bakisa zitubakisaka mu bakula bwe kena, mpe ntia timuntu tie nandi. Mu mpila zango mwe na:

Mbazi ya mutsamina. Yandi mbo kasaka ntiana yandi hana tima tia mbote kwe bantu mu ba nata mu landa ndongosolo zandi, kani balanda za Nzambi.—2 Bisi-Korente 11:14.
Ngo-mbulu yita bima. Bisari bia Yehova kanwanisaka nia miangu miamiansoni.—1 Piere 5:8.
Drago ya yinene. Bunkuta katâka, ngolo ze nandi, mpe honda kahondaka.—Nzabukusu 12:9.

Verse za Bibila zizonzelaka Diabulu

2 Bisi-Korente 11:14: “Satana yandi beni ta hunina mu tifwani tia mbazi ya mutsamina.”

Bwe yita zolo tâ: Satana bima bia mbote kasarilaka mu huna bantu ngatu balanda ndongosolo zandi kani balanda za Nzambi.
Bisi-Efeze 6:11: “Lwateno tinwanunu tia lunga tia Nzambi ngatu lwatelamana nsalulu za Diabulu.”

Bwe yita zolo tâ: Diabulu nsalulu za mbi kasarilaka mu baka bantu basarilaka Nzambi.
Zaki 4:7: “Lemvokeleno Nzambi; kâ telemaneno Diabulu, mpe mbo kadioka mala [na beno].”

Bwe yita zolo tâ: Muntu wulendi telamana Satana bu wukwe tumamaneke Nzambi, mpe bu wukwe kolamaneke Satana.
1 Piere 5:8: “Mutantu’eno Diabulu zieta kata kwe ziete ntiana ngo-mbulu yita bima yita dinga yadia muntu.”

Bwe yita zolo tâ: Diabulu bantu batumamanaka kayinaka mpe zololo kahonda tindiku tiawu na Nzambi.