Ru Ebrania ti si Beteli ri ma ifi “Jo Munguniri.” (E’doza 28:17, 19) Ru ’diri kililiru pari ’Ba Yehova ma E’yo Eti Nzepi ’Diyi pini si ndu ndu wudrikuru ma kalatisi dria eyini azi e’yo oluzuri otuzu azini azani kozu suru alu alu ma aleasi ri pini. Adripi Otuta Otupi ’Diyi ki azi nga aku ambo Beteli niri ma alea Suru Amerikaa New York ru ria dika eyi azi Beteli azi suru ndu ndu ma alea ’diyi niri one engazu ’dale ogogo. Tualu ’ba azi ngapi pari ’di ma alea ’diyi ’ba eyi omve ’ba aku Beteli nia ’diyi. Ekile ’ba akua ’diyi le, eyi o’a, azi nga, nyaka nya, azini Biblia oni tualu ti ecita si.—Zaburi 133:1.

Aku Beteli ni isi ndu ’di ma alea ’ba dria ni i owi azi ngazu asi driasi. Aku Beteli ni alu alu dria ma alea, mi Kristiani agupi ru azini oku ru owipiru azi Suru Munguni rini ri ngapi o’du driasi ’diyi isu. (Matayo 6:33) ’Ba ofeni eyi ma azi aluni musara si ku, te ’ba eyini jo lazu kilili ri fe azakoma eyini le ’diyi pie. ’Ba dria Betelia ’diyi azi ndu ndu nga. Eco ovu ofisia, jokonia, kaniku pari nyaka nyazu ria. ’Ba azi ’diyi buku gba, jo ale oji, bongo oji, afa ezapiru ’diyi ede azi ndu ndu ’diyi pie.

Pari azi be tre ’bani e’yo Suru ni ri ma oluza atizu ri. Azi Beteli dria dria ma alea ri lu lezu e’yo ada Biblia ma alea ri ma ca ’ba dria vu ecekokoru. Buku ’diri bani eceta ni. Adripi Otuta Otupi ’Diyi siki buku nde ’di, peki ti ni ’ba ti ndu ndu ojapi wudrikuru si turu turu ’diyi pi vu eyini ecozu eri ojazu. Vutinia ’ba pe vini ti ni Beteli azi okalamvu buku gbazu ri be ’diyi pi ma alea dika awaki di eri ongulumu 110,000 ma drilea ’diyi pi dri eyini eri gbazu ’bo ri ma vutia. Azi ndu ndu ’diyi ma aleasi dria, ’ba aku Beteli niria ’diyi azakoma fe azi ndepi ni—e’yo bari oluzu rini.—Marako 13:10.

• ’Ba azi ngapi Betelia ’diyi ’ba ngole riki azini ’ba eyi ma ta mba ngoni ru?

• Azi okporu Beteli ni azani ko ri ngo’i?