LITEYA 11
Bato oyo bakomaki makambo ya Yesu
Omoni bato oyo bazali na elilingi oyo?
Mibali oyo ezali banani?
Na kati ya bato yango, misato bazalaki bantoma ya Yesu oyo bazalaki kosakola elongo na Yesu. Oyebi nkombo na bango?
Bato mosusu oyo bazali na elilingi wana balobelaki mpe makambo ya Yesu na mikanda oyo bakomaki. Moko na bango ezali Marko. Ekoki kozala ete azalaki ntango bakangaki Yesu mpe amonaki makambo nyonso oyo elekaki. Mobali mosusu ezali Luka. Luka azalaki monganga mpe mbala mosusu akómaki mokristo nsima ya liwa ya Yesu.
Bato mosusu mibale oyo bakomaki Biblia, oyo ozali komona na elilingi ezali baleki ya Yesu. Oyebi nkombo na bango?
Moto mosusu oyo ozali komona na elilingi ezali Paulo. Liboso akóma mokristo, nkombo na ye ezalaki Saulo. Azalaki kolinga bakristo ata moke te mpe azalaki konyokola bango. Oyebi mpo na nini Paulo andimaki kokóma mokristo?
Totángaka Biblia mokolo na mokolo, boye te?