Masese 30:1-33
30 Maloba ya kilo ya Agure mwana ya Yake, oyo alobaki na Itiele mpe Ukale.
2 Ngai nazali zoba koleka bato nyonso,+Mpe nazali na mayele te oyo moto asengeli kozala na yango.
3 Nayekoli bwanya te,Mpe nazali na boyebi te ya Oyo Aleki Mosantu.
4 Nani amatá na likoló mpe na nsima akitá?+
Nani akangá mopɛpɛ na tandu ya mabɔkɔ na ye?
Nani alíngá mai na elamba na ye?+
Nani atyá* bansuka nyonso ya mabele?+
Nkombo na ye nani mpe nkombo ya mwana na ye nani, soki oyebi?
5 Liloba nyonso ya Nzambe ezali pɛto.+
Azali nguba mpo na baoyo bakimaka epai na ye.+
6 Kobakisa eloko te na maloba na ye,+Noki apamela yo,Mpe obima moto ya lokuta.
7 Nasɛngi yo makambo mibale.
Kopimela ngai yango te liboso nakufa.
8 Longolá mosika na ngai bokosi mpe lokuta.+
Kopesa ngai bobola te, bomɛngo mpe te.
Pesá ngai kaka bilei oyo ekoki na ngai,+
9 Noki natonda, nawangana yo mpe naloba: “Yehova nde nani?”+
Kotika mpe te nakóma mobola, nayiba mpe nasambwisa nkombo ya Nzambe na ngai.
10 Kokosela mosaleli makambo te epai ya nkolo na ye,Noki alakela yo mabe, mpe omema ngambo.+
11 Libota mosusu ya bato balakelaka tata na bango mabeMpe bapambolaka mama na bango te.+
12 Libota mosusu ya bato bazali pɛto na miso na bango moko+Kasi balongolá bosɔtɔ* na bango te.
13 Libota mosusu ya bato bazalaka na lolendo mpenza!Mpe emonanaka polele ete batondi na lofundo.+
14 Libota mosusu ya bato mino na bango ezali mipangaMpe mbanga na bango ezali bambeli,*Balyaka bato mpamba ya mabeleMpe babola na kati ya bato.+
15 Nsonzo ezali na bana basi mibale oyo babelelaka: “Pesá! Pesá!”
Ezali na biloko misato oyo etondaka te,Minei oyo elobaka soki moke te ete: “Ekoki!”:
16 Nkunda*+ mpe mwasi oyo abotaka te,Mabele oyo ezangi mai,Mpe mɔtɔ oyo elobaka soki moke te ete: “Ekoki!”
17 Liso oyo esɛkaka tata mpe eboyaka kotosa mama+Bayanganga ya lobwaku* ekotɔbɔla yango,Mpe bana ya mpongo ekolya yango.+
18 Ezali na makambo misato oyo ekamwisaka ngai mingi mpenza,Mpe minei oyo nakokaka kokanga ntina te:
19 Nzela ya mpongo na likoló,Nzela ya nyoka likoló ya libanga,Nzela ya masuwa na katikati ya mbu,Mpe nzela ya mobali ntango azali ná mwasi.
20 Talá nzela ya mwasi ya ekobo:
Alei mpe apangwisi monɔkɔ na ye;Na nsima alobi: “Nasali mabe moko te.”+
21 Ezali na makambo misato oyo eningisaka mabeleMpe makambo minei oyo ekoki kokangela motema te:
22 Ntango moombo akómi koyangela,+Ntango zoba atondi na bilei,
23 Ntango mwasi oyo bayiná* azwi libala,Mpe ntango mosaleli ya mwasi azwi esika ya nkolo na ye ya mwasi.+
24 Ezali na biloko minei ya mike koleka na mabele,Kasi ezali na bwanya ya lɔɔmbi:*+
25 Bafurmi ezalaka makasi te,*Atako bongo ebongisaka bilei na yango na eleko ya molunge.+
26 Basimbiliki ya mabanga+ ezali bikelamu ya nguya te,*Atako bongo esalaka ndako na yango na mabanga.+
27 Mayoyo+ ezalaka na mokonzi te,Atako bongo ebimaka na molɔngɔ lokola basoda.*+
28 Monselekete babengi jeko+ ekangamaka na eloko nyonso na nzela ya makolo na yangoMpe ekɔtaka tii na ndako ya mokonzi.
29 Ezali na biloko misato oyo ndenge na yango ya kotambola ekamwisaka,Mpe minei oyo ndenge na yango ya kokende ekamwisaka:
30 Nkɔsi ezali na nguya koleka banyama mosusu,Oyo ezongaka nsima te liboso ya moto;+
31 Mbwa ya mbangu, ntaba ya mobali;Mpe mokonzi oyo azali kotambola na limpinga ya basoda na ye.
32 Soki omitomboli na bozoba+To soki okani kosala bongo,Tyá lobɔkɔ na monɔkɔ na yo.+
33 Mpo kaka ndenge kobɛtabɛta miliki ebimisaka mantekaMpe kofinafina zolo ebimisaka makila,Kokangakanga nkanda ebimisaka koswana.+
Maloba na nse
^ Lil., “atɛlɛmisá.”
^ Lil., “nyɛi.”
^ Lolenge ya mbeli bazalaki kosalela mpo na koboma banyama.
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To, “wadi.” Talá Ndimbola ya maloba.
^ To, “mwasi oyo alingami te.”
^ To, “ezali na bwanya mingi mpenza.”
^ Lil., “ekólo moko makasi te.”
^ Lil., “ekólo moko ya nguya te.”
^ To, “ekabolami na bituluku.”
