Masese 31:1-31
31 Maloba ya mokonzi Lemuele, maloba ya kilo oyo mama na ye ayebisaki ye mpo na koteya ye:+
2 Naloba na yo nini, Ee mwana na ngaiNaloba nini, Ee mwana ya libumu na ngaiMpe naloba nini, Ee mwana ya bilako na ngai?+
3 Kopesa te basi makasi na yo,+Mpe kolanda te banzela oyo ebebisaka bakonzi.+
4 Ebongi na bakonzi te, Ee Lemuele,Ebongi na bakonzi te komɛla vinyo,Ebongi na bankumu te koloba ete: “Masanga na ngai ezali wapi?”+
5 Soki te bakomɛla mpe bakobosana mobekoMpe bakokata na bosembo te likambo ya bato mpamba.
6 Bópesa masanga oyo elangwisaka epai ya bato oyo balingi kokufa+Mpe vinyo epai ya bato oyo batungisami na makanisi.+
7 Tiká bango bámɛla mpe bábosana bobola na bango;Tiká bango bákanisa lisusu mpasi na bango te.
8 Lobá mpo na kosamba likambo ya bato oyo bakokoka kosamba te;Sambá mpo na ntomo ya baoyo bazali kokufa.+
9 Lobá mpe sambisá na bosembo;Sambá mpo na ntomo* ya bato mpamba mpe ya babola.+
א [Alef]
10 Nani akoki kozwa mwasi ya malonga?*+
Motuya na ye eleki mosika oyo ya mabanga kitoko ya korai.*
ב [Bet]
11 Mobali na ye atyelaka ye motema mobimba,Mpe azangaka eloko moko te ya motuya.
ג [Gimel]
12 Apesaka mobali na ye mbano ya makambo ya malamu, kasi ya mabe te,Mikolo nyonso ya bomoi na ye.
ד [Dalet]
13 Azwaka lɛnɛ ná lini;Asepelaka kosala mosala.+
ה [He]
14 Azali lokola bamasuwa ya moto ya mombongo,+Autaka na bilei na ye mosika.
ו [Waw]
15 Lisusu alamukaka ntango butu ezali naino,Mpe apesaka bato ya ndako na ye bileiMpe basaleli na ye ya basi ndambo na bango.+
ז [Zayin]
16 Atali malamumalamu elanga mpe asombi yango;Aloni elanga ya vinyo na mosala na ye ya makasi.*
ח [Het]
17 Amibongisaka mpo na kosala mosala makasi,*+Mpe akembisaka mabɔkɔ na ye.
ט [Tet]
18 Amoni ete mombongo na ye ezali kofuta malamu;Mwinda na ye ekufaka te na butu.
י [Yod]
19 Mabɔkɔ na ye esimbi motonga ya molai ya kokangisa nsinga,Mpe mabɔkɔ na ye esimbi motonga ya mokuse mpo na kosala nsinga.+
כ [Kaf]
20 Asemboli lobɔkɔ na ye mpo na kosalisa moto mpamba,Mpe afungoli lobɔkɔ na ye epai ya mobola.+
ל [Lamed]
21 Na eleko ya malili amitungisaka te mpo na bato ya ndako na ye,Mpo bato nyonso ya ndako na ye balataka bilamba oyo epesaka molunge.*
מ [Mem]
22 Amisaleli babulangiti.
Bilamba na ye ezali ya lini mpe ya lɛnɛ ya mwa motane-bulé.
נ [Nun]
23 Mobali na ye ayebani malamu na baporte ya engumba,+Esika afandaka elongo na bankulutu ya mboka.
ס [Samek]
24 Asalaka mpe atɛkaka bilamba ya lini*Mpe apesaka bato ya mombongo mikaba.
ע [Ayin]
25 Alati makasi mpe nkembo,Mpe atalaka mikolo ezali koya na elikya.*
פ [Pe]
26 Afungolaka monɔkɔ na ye na bwanya;+Mobeko ya motema boboto* ezali na lolemo na ye.
צ [Tsade]
27 Atalaka na likebi misala ya ndako na ye,Mpe alyaka te limpa ya gɔigɔi.+
ק [Kof]
28 Bana na ye batɛlɛmi mpe batángi ye moto ya esengo;Mobali na ye atɛlɛmi, mpe akumisi ye.
ר [Resh]
29 Basi ya malonga* bazali ebele,Kasi yo oleki bango nyonso.
ש [Shin]
30 Bonzenga ekoki kokosa, mpe kitoko ekoki kozala mpo na mwa ntango;*+Kasi mwasi oyo abangaka Yehova akokumisama.+
ת [Taw]
31 Bópesa ye mbano ya makambo oyo asalaka,*+Mpe misala na ye ekumisa ye na baporte ya engumba.+
Maloba na nse
^ To, “Sambá likambo.”
^ To, “ya mayele.”
^ Talá Ndimbola ya maloba.
^ Lil., “na nzela ya mbuma ya mabɔkɔ na ye.”
^ Lil., “Akangi bokasi na loketo na ye.”
^ Lil., “bilamba oyo ekangami mibalemibale.”
^ To, “bilamba ya nse.”
^ To, “asɛkaka mokolo oyo ekoya.”
^ To, “Mateya ya boboto; Mobeko ya bolingo ya sembo.”
^ To, “ya mayele.”
^ To, “mpamba.”
^ Lil., “Bópesa ye mbuma ya mabɔkɔ na ye.”
