Nzembo 140:1-13
Mpo na mokambi ya nzembo. Mondule ya Davidi.
140 Ee Yehova, bikisá ngai na bato mabe;Batelá ngai na bato ya misala ya mobulu,+
2 Baoyo bakani kosala makambo mabe na mitema na bango+Mpe babimisaka matata mokolo mobimba.
3 Bapelisi lolemo na bango lokola ya nyoka;+Ngɛngɛ ya etupa ezali na nse ya mbɛbu na bango.+ (Sela)
4 Ee Yehova, batelá ngai na mabɔkɔ ya moto mabe;+Bikisá ngai na mabɔkɔ ya bato ya mobulu,Baoyo bakani kotyela ngai motambo.
5 Bato ya lolendo batyeli ngai motambo;Basaleli bansinga mpo na kotanda monyama na nzela.+
Batyeli ngai mitambo.+ (Sela)
6 Nayebisi Yehova ete: “Ozali Nzambe na ngai.
Ee Yehova, yoká libondeli* na ngai mpo na kosɛnga lisalisi.”+
7 Ee Yehova Nkolo Mokonzi-Oyo-Aleki-Nyonso, Mobikisi na ngai ya makasi,Obateli motó na ngai na mokolo ya etumba.+
8 Ee Yehova, kotika te ete bamposa ya moto mabe ekokisama.
Kotika te ete likita na bango elonga, mpo bámitombola te.+ (Sela)
9 Mitó ya baoyo bazali kozinga ngaiEzipama na makambo mabe oyo ebimi na mbɛbu na bango.+
10 Makala ya mɔtɔ esopanela bango lokola mbula.+
Bábwaka bango na mɔtɔ,Na mabulu mozindo,*+ mpo bákoka kotɛlɛma lisusu te.
11 Moto oyo akoselaka bato makambo azala na esika te na mabele.*+
Mabe elandalanda bato ya mobulu mpe ebɛta bango.
12 Nayebi ete Yehova akosamba likambo ya moto mpambaMpe akokata na bosembo likambo ya mobola.+
13 Ya solo, bato ya sembo bakopesa nkombo na yo matɔndi;Bato ya makambo alima bakofanda liboso ya elongi na yo.*+
