Nzembo 47:1-9
Epai ya mokambi ya nzembo. Ya bana ya Kora.+ Mondule.
47 Bino nyonso bato ya bikólo, bóbɛta mabɔkɔ.
Bóganga mpo na Nzambe na koganga ya bolongi mpe ya esengo.
2 Mpo Yehova, Oyo-Aleki-Likoló, azali nsɔmɔ;+Azali Mokonzi monene na mabele mobimba.+
3 Atye bato ya bikólo na nse na biso;Atye bikólo na nse ya makolo na biso.+
4 Aponeli biso libula,+Lolendo ya Yakobo, moto oyo ye alingi.+ (Sela)
5 Nzambe amati na koganga ya esengo;Yehova amati na lokito ya liseke.*
6 Bóyemba mpo na kosanzola* Nzambe, bóyemba mpo na kosanzola.
Bóyemba mpo na kosanzola Mokonzi na biso, bóyemba mpo na kosanzola.
7 Mpo Nzambe azali Mokonzi ya mabele mobimba;+Bóyemba mpo na kosanzola mpe bómonisa bososoli.
8 Nzambe akómi Mokonzi ya bikólo.+
Nzambe afandi na kiti mosantu ya bokonzi na ye.
9 Bakambi ya bato ya bikólo bayanganiNá bato ya Nzambe ya Abrahama.
Mpo bakambi* ya mabele bazali ya Nzambe.
Atombwami likoló mingi mpenza.+
Maloba na nse
^ To, “liseke ya mpate mobali; kelelo.”
^ To, “Bóbɛta miziki mpo na.”
^ Lil., “banguba.”
