Nzembo 53:1-6
Epai ya mokambi ya nzembo; na kolanda ebɛtɛli ya Mahalate.* Maskile.* Ya Davidi.
53 Bazoba balobi na mitema na bango ete:
“Yehova azali te.”+
Misala na bango ya kozanga bosembo* ezali mabe mpe eyinami;Ata moko te azali kosala malamu.+
2 Kasi uta na likoló, Nzambe azali kotala bana ya bato+Mpo na komona soki ezali na moto oyo azali na mayele ya kososola, soki ezali na moto oyo azali koluka Yehova.+
3 Bango nyonso batiki nzela ya malamu;Bango nyonso mpe babebi.
Ata moto moko te azali kosala malamu,Ata moto moko te.+
4 Ata moto moko te oyo asalaka mabe azali kokanga ntina?
Bazali kolya bato na ngai ndenge balyaka limpa.
Babeleli Yehova te.+
5 Kasi nsɔmɔ moko monene ekokanga bango,Nsɔmɔ moko oyo bayoká naino te,*Mpo Nzambe akopalanganisa mikuwa ya baoyo bazali kobunda na yo.*
Okoyokisa bango nsɔni, mpo Yehova abwaki bango.
6 Ee lobiko ya Yisraele euta na Siona!+
Ntango Yehova akozongisa bato na ye oyo bazali bakangami,Tiká Yakobo azala na esengo, tiká Yisraele asepela.
Maloba na nse
^ Talá Ndimbola ya maloba.
^ Talá Ndimbola ya maloba.
^ To, “kozanga boyengebene.” Talá Ndimbola ya maloba.
^ To mbala mosusu, “Kobanga esika oyo likambo ya kobanga ezali te.”
^ Lil., “akotɛlɛmisa kaa mpo na baoyo bazali kotɛmɛla yo.”
