Nzembo 61:1-8
-
Nzambe azali ndako molai ya makasi oyo ebatelaka liboso ya banguna
-
“Nakoyambama na hema na yo” (4)
-
Epai ya mokambi ya nzembo; eyembamaka elongo na bibɛtɛlo ya bansinga. Ya Davidi.
61 Ee Nzambe, yoká kolela na ngai mpo na kosɛnga lisalisi.
Tyá likebi na libondeli na ngai.+
2 Uta na bansuka ya mabele nakobelela epai na yoNtango nazangi elikya.*+
Kambá ngai tii na libanga oyo ezali molai koleka ngai.+
3 Mpo ozali esika na ngai ya kokima,Ndako molai ya makasi oyo ebatelaka ngai liboso ya monguna.+
4 Nakoyambama na hema na yo mpo na libela;+Nakozwa esika ya kokima na nse ya mapapu na yo.+ (Sela)
5 Mpo yo, Ee Nzambe, oyoki bilako na ngai.
Opesi ngai libula oyo obombeli baoyo babangaka nkombo na yo.+
6 Okokómisa bomoi ya mokonzi molai,*+Mpe bambula na ye ekozala mpo na libota na libota.
7 Akofanda na kiti ya bokonzi* mpo na libela liboso ya Nzambe;+Bolingo* mpe bosembo na yo ebatela ye.+
8 Bongo nakoyemba mpo na kosanzola* nkombo na yo mpo na libela+Wana nazali kokokisa bilako na ngai mokolo na mokolo.+
Maloba na nse
^ To, “Ntango nazali kolɛmba.”
^ Lil., “Okobakisa mikolo na mikolo ya mokonzi.”
^ To, “Akofanda.”
^ To, “Bolingo ya sembo.”
^ To, “nakobɛta miziki mpo na.”
