Nzembo 67:1-7
Epai ya mokambi ya nzembo; eyembamaka elongo na bibɛtɛlo ya bansinga. Mondule. Loyembo.
67 Nzambe akomonisela biso boboto mpe akopambola biso;Akongɛngisela biso elongi na ye+ (Sela)
2 Mpo nzela na yo eyebana na mabele mobimba,+Misala na yo ya lobiko na kati ya bikólo nyonso.+
3 Ee Nzambe, bato ya bikólo básanzola yo;Bato nyonso ya bikólo básanzola yo.
4 Bikólo esepela mpe eganga na esengo,+Mpo okosambisa bato ya bikólo na bosembo.+
Okokamba bikólo nyonso ya mabele. (Sela)
5 Ee Nzambe, bato ya bikólo básanzola yo;Bato nyonso ya bikólo básanzola yo.
6 Mabele ekobota mbuma na yango;+Nzambe, Nzambe na biso, akopambola biso.+
7 Nzambe akopambola biso,Mpe nsuka nyonso ya mabele ekobanga* ye.+
Maloba na nse
^ To, “ekokumisa.”
