Yisaya 1:1-31
1 Emonaneli ya Yisaya*+ mwana ya Amoze, oyo amonaki mpo na Yuda mpe Yerusaleme na mikolo ya Uzia,+ Yotame,+ Ahaze+ ná Ezekiasi,+ bakonzi ya Yuda:+
2 Yoká, Ee likoló, mpe tyá likebi, Ee mabele,+Mpo Yehova alobi boye:
“Nabɔkɔli mpe nakolisi bana,+Kasi batombokeli ngai.+
3 Ngɔmbɛ eyebaka malamu moto oyo asombi yango,Mpe mpunda eyebaka esika nkolo na yango apesaka yango bilei;Kasi Yisraele eyebi ngai te,*+Bato na ngai moko bamitambwisi na mayele te.”
4 Mawa na ekólo ya masumu,+Na bato oyo batondi na mabunga,Libota ya bato ya mabe, bana ya libebi!
Batiki Yehova;+Bazangi limemya epai ya Mosantu ya Yisraele;Bapesi ye mokɔngɔ.
5 Bábɛta bino lisusu wapi, awa bozali kaka kotomboka?+
Motó mobimba ezali na maladi,Mpe motema mobimba ezwi maladi.+
6 Banda na nse ya lokolo tii na motó, eteni moko ya malamu ezali te.
Kaka bampota, bisika oyo bazokisi mpe bampota minene;Basukoli yango te,* bakangi yango te, balɛmbisi yango na mafuta te.+
7 Mokili na bino etikali mpamba.
Bingumba na bino etumbami na mɔtɔ.
Bapaya bazali kobebisa mokili na bino na miso na bino.+
Ezali lokola mabele oyo bapaya+ babebisi mpenza.
8 Mwana mwasi ya Siona atikali lokola esika ya kobatama* na elanga ya vinyo,Lokola mwa ndako ya matiti na elanga ya kɔkɔmbrɛ,Lokola engumba oyo ezingami.+
9 Soki Yehova ya mampinga atikelaka biso te mwa bato oyo babiki,Tolingaki kokóma lokola Sodoma,Mpe tolingaki kokokana na Gomora.+
10 Bóyoka liloba ya Yehova, bino bakonzi ya Sodoma oyo bozali koyangela na makasi.+
Bino bato ya Gomora,+ bótya likebi na mobeko* ya Nzambe na biso.
11 Yehova alobi: “Ebele ya bambeka+ na bino ezali na litomba nini mpo na ngai?
Nalɛmbi makabo na bino ya kotumba ya bampate ya mibali+ mpe mafuta ya banyama oyo eleisami malamu,+Mpe nasepeli te na makila+ ya bana-ngɔmbɛ ya mibali,+ ya bana-mpate ya mibali mpe ya bantaba ya mibali.+
12 Ntango boyaka komonana liboso na ngai,+Nani asɛngi bino,Bónyata mapango na ngai?+
13 Bóya lisusu te na makabo ya mbuma oyo ezangá ntina.
Mpaka ya malasi na bino ezali eloko oyo nayiná.+
Bozali kotosa sanza ya sika+ mpe sabata,+ kobengisa liyangani+—Nzokande nakoki te kondima misala ya maji+ esika moko na liyangani monene.
14 Nayini* basanza na bino ya sika mpe bafɛti na bino.
Ekómeli ngai kilo;Nalɛmbi komema yango.
15 Mpe ntango bozali kosembola mabɔkɔ na bino,Nazali kozipa miso na ngai liboso na bino.+
Ata bozali kobondela mingi,+Nazali koyoka te;+Mabɔkɔ na bino etondi na makila.+
16 Bómisukola, bómipɛtola;+Bólongola liboso ya miso na ngai misala na bino ya mabe;Bótika kosala mabe.+
17 Bóyekola kosala malamu, bóluka bosembo,+Bósembola monyokoli,Bósamba mpo na ntomo ya mwana oyo tata akufá,Mpe bósamba likambo ya mwasi oyo mobali akufá.”+
18 Yehova alobi: “Sikoyo bóya mpe tóbongisa makambo kati na biso.+
Ata soki masumu na bino ezali motane makasi,Ekokóma mpɛmbɛ lokola nɛjɛ;+Ata soki ezali motane lokola elamba ya motane makasi,Ekokóma lokola lɛnɛ.
19 Soki bolingi mpenza kotosa,Bokolya biloko ya malamu ya mokili.+
20 Kasi soki boboyi mpe botomboki,Mopanga ekolya bino;+Ngai Yehova nde nalobi yango.”
21 Talá ndenge engumba ya sembo+ ekómi mwasi ya ndumba!+
Etondaki na bosembo;+Boyengebene ezalaki kofanda kuna,+Kasi sikoyo babomi-bato bazali kuna.+
22 Palata na bino ekómi bosɔtɔ,+Masanga na bino* esangisami na mai.
23 Bankumu na yo bazali motó makasi mpe bazali baninga ya miyibi.+
Mokomoko na bango alingaka kanyaka mpe alandelaka makabo.+
Bakataka na bosembo te likambo ya mwana oyo tata akufá,Mpe ata likambo ya mwasi oyo mobali akufá batyelaka yango likebi te.+
24 Yango wana, Nkolo ya solo, Yehova ya mampinga,Moto ya nguya ya Yisraele, alobi boye:
“Aha! Nakolongola banguna na ngai,Mpe nakozongisela banguna na ngai mabe.+
25 Nakopesa yo etumbu,*Mpe nakonyangwisa bosɔtɔ na yo nyonso,Mpe nakolongola bosɔtɔ na yo nyonso.+
26 Nakozongisela yo basambisi na yo ndenge ezalaki na ebandeliMpe bapesi-toli na yo ndenge ezalaki liboso.+
Nsima na yango, okobengama Engumba ya Boyengebene, Sité ya Bosembo.+
27 Siona ekosikolama+ na bosembo,Mpe bato na ye oyo bakozonga, bakozonga na boyengebene.
28 Batomboki ná bato ya masumu bakobebisama elongo,+Mpe baoyo batiki Yehova bakosila.+
29 Mpo bakoyoka nsɔni mpo na banzete makasi oyo bolulaki,+Mpe bokosambwa mpo na bilanga* oyo boponi.+
30 Mpo bokokóma lokola nzete monene oyo nkasa na yango ezali kokauka,+Mpe lokola elanga oyo ezali na mai te.
31 Mobali makasi akokóma lokola lititi oyo ekauki,Mpe mosala na ye lokola montɛntɛi;Mpe yango nyonso mibale ekopela mɔtɔ elongo,Moto ya koboma yango akozala te.”
Maloba na nse
^ Elimboli, “lobiko ya Yehova.”
^ To, “eyebi nkolo na yango te.”
^ Lil., “bafini yango te.”
^ To, “ndako ya matiti.”
^ To, “mateya.”
^ To, “molimo na ngai eyini.”
^ To, “masanga na bino ya blé.”
^ Lil., “Nakobalusela yo lobɔkɔ na ngai.”
^ Ekoki kozala banzete mpe bilanga oyo ezali na boyokani na losambo ya bikeko.
