Bato mingi na mokili bazali komiyoka ete bazangá baninga—Oyo okoki kosala mpo na yango?
“Bato mingi na États-Unis bamonisi ete bamiyokaka ete bazangá baninga, mingimingi bilenge.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“[Ebongiseli ya ONU oyo etalelaka bokolɔngɔnɔ ya nzoto] esalaki etuluku moko ya bato mpo na kolandela makambo etali boyokani kati na bato mpe kosilisa likambo etali mayoki ya kozala yo moko mpo ekómi likama. Yango ekolendisa bato bázalaka elongo na bato mosusu, ezala na bamboka ya bozwi to oyo ezali na bozwi mingi te.”—Ebongiseli ya ONU oyo etalelaka bokolɔngɔnɔ ya nzoto, 15/11/2023.
Biblia epesi batoli ya ntina mpo na kosalisa biso tósala boninga ya malamu na bato mosusu.
Batoli ya Biblia ekoki kosalisa yo
Kosalaka mingi te makambo oyo esɛngaka kozala kaka yo moko. Na ndakisa, kosalela mingi basite ya kosolola na bato. Kasi, lukaka nde mabaku ya kosolola na bato na miso boye mpe kosala boninga ya solo.
Etinda ya Biblia: “Moninga ya solosolo alingaka ntango nyonsompe azali ndeko oyo abotami mpo na bantango ya mpasi.”—Masese 17:17.
Lukaka mabaku ya kosalisa basusu. Kosalela basusu malamu ekómisaka makasi boninga na biso na bango mpe esala ete tómiyoka malamu.
Etinda ya Biblia: “Esengo ya kopesa eleki esengo ya kozwa.”—Misala 20:35.
Kɔtá na site na biso mpo na koyeba makambo mosusu ya ntina oyo Biblia elobi na likambo etali kosala boninga ya malamu.
Talá mpe...
MITUNA OYO BILENGE BATUNAKA
Mpo na nini nazalaka na baninga te?
Kaka yo moko te nde omiyokaka lokola mwana etike to okanisaka ete ozalaka na baninga te. Talá ndenge bilenge mosusu ya mbula na yo basalaki mpo na kobengana makanisi wana.
MAKAMBO MOSUSU
Ndenge ya kolonga mawa ya kozala yo moko
Ntango ozali komiyoka yo moko, kozwa elikya, esengo, mpe kosepela ekoki kozala mpasi mingi—kasi ekoki kosalema.
MOTO AZALI KOYEMA
Moninga ya solosolo azali nani?
Ezali mpasi te kozwa baninga na Internet, kasi ndenge nini okoki kozwa moninga ya solosolo?
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
