ສຸພາສິດ 31:1-31
31 ນີ້ເປັນຄຳເວົ້າຂອງກະສັດເລມູເອນເຊິ່ງເປັນຄຳແນະນຳທີ່ມີຄ່າທີ່ແມ່ລາວໄດ້ໃຫ້ກັບລາວ.+
2 ລູກເອີ້ຍ ລູກທີ່ເກີດມາຈາກທ້ອງແມ່ລູກທີ່ເປັນຜົນຈາກຄຳສາບານຂອງແມ່ແມ່ຈະສອນຫຍັງເຈົ້າດີ?+
3 ຢ່າໃຫ້ເຫື່ອແຮງຂອງເຈົ້າໝົດໄປຍ້ອນພວກຜູ້ຍິງ.+ຢ່າໄປຕາມທາງທີ່ເຮັດໃຫ້ພວກກະສັດຖືກທຳລາຍ.+
4 ເລມູເອນເອີ້ຍ ມັນບໍ່ເໝາະສົມສຳລັບກະສັດ.ມັນບໍ່ເໝາະສົມທີ່ກະສັດຈະກິນເຫຼົ້າແວງແລະບໍ່ເໝາະສົມທີ່ຜູ້ປົກຄອງຈະເວົ້າວ່າ: “ເຫຼົ້າຂອງຂ້ອຍຢູ່ໃສ?”+
5 ເພື່ອເຂົາເຈົ້າຈະບໍ່ໄດ້ດື່ມແລະລືມກົດໝາຍແລ້ວບໍ່ໃຫ້ສິດທີ່ຄົນຕ່ຳຕ້ອຍສົມຄວນໄດ້ຮັບ.
6 ໃຫ້ເອົາເຫຼົ້າໃຫ້ຄົນທີ່ກຳລັງຈະຕາຍ+ແລະໃຫ້ເອົາເຫຼົ້າແວງໃຫ້ຄົນທີ່ກຳລັງທຸກໃຈຫຼາຍ.+
7 ໃຫ້ເຂົາເຈົ້າກິນເພື່ອຈະລືມຄວາມທຸກຂອງໂຕເອງ.ໃຫ້ເຂົາເຈົ້າກິນເພື່ອຈະບໍ່ຄິດເຖິງຄວາມລຳບາກຂອງໂຕເອງອີກ.
8 ໃຫ້ເວົ້າແທນຄົນທີ່ບໍ່ຮູ້ຈະເວົ້າຫຍັງ.ໃຫ້ປົກປ້ອງສິດຂອງທຸກຄົນທີ່ກຳລັງຈະຕາຍ.+
9 ໃຫ້ເວົ້າອອກມາແລະຕັດສິນຢ່າງຍຸຕິທຳ.ໃຫ້ປົກປ້ອງສິດຂອງ*ຄົນທີ່ຕ່ຳຕ້ອຍແລະຄົນທຸກ.+
א [ອາເລບ]*
10 ໃຜຈະຫາເມຍທີ່ມີຄວາມສາມາດ*ໄດ້?+
ລາວມີຄ່າຫຼາຍກວ່າປະກາລັງ.*
ב [ເບດ]
11 ຜົວຂອງລາວໄວ້ໃຈລາວສຸດຫົວໃຈແລະຜົວກໍບໍ່ຂາດເຂີນສິ່ງໃດເລີຍ.
ג [ກີເມວ]
12 ຕະຫຼອດຊີວິດຂອງລາວລາວເຮັດແຕ່ສິ່ງດີໆໃຫ້ຜົວແລະບໍ່ເຄີຍເຮັດສິ່ງທີ່ບໍ່ດີ.
ד [ດາເລດ]
13 ລາວໄປຊອກຫາຜ້າເນື້ອດີ*ແລະຜ້າລີນິນມາ.ລາວມີຄວາມສຸກກັບການເຮັດວຽກທຸກຢ່າງ.+
ה [ເຮ]
14 ລາວເປັນຄືກັບເຮືອຂອງພໍ່ຄ້າ+ທີ່ຂົນອາຫານມາຈາກບ່ອນໄກໆ.
ו [ວາວ]
15 ລາວຕື່ນແຕ່ເດິກໆເພື່ອກຽມອາຫານໃຫ້ຄົນໃນຄອບຄົວແລະແບ່ງໃຫ້ພວກຄົນຮັບໃຊ້ຜູ້ຍິງນຳ.+
ז [ຊາຢິນ]
16 ລາວເລືອກທົ່ງນາດີໆແລະຊື້ໄວ້.ລາວລົງມືເຮັດສວນໝາກລະແຊັງດ້ວຍໂຕເອງ.
ח [ເຮດ]
17 ລາວກຽມໂຕໃຫ້ພ້ອມເພື່ອເຮັດວຽກໜັກ.+ລາວໃຊ້ແຂນເຮັດວຽກຢ່າງເຕັມທີ.
ט [ເທດ]
18 ລາວຄ້າຂາຍໃຫ້ໄດ້ກຳໄລ.ລາວເຮັດວຽກຈົນເດິກ.*
י [ໂຢດ]
19 ລາວເອົາມືຈັບໄມ້ກໍ້ດ້າຍແລະຈັບເຄື່ອງເຂັນຝ້າຍໄວ້.+
כ [ຄາບ]
20 ລາວຊ່ວຍເຫຼືອຄົນຕ່ຳຕ້ອຍແລະເອື້ອເຟື້ອຄົນທຸກ.+
ל [ລາເມດ]
21 ຕອນທີ່ມີຫິມະຕົກ ລາວບໍ່ກັງວົນກ່ຽວກັບຄົນໃນຄອບຄົວຂອງລາວຍ້ອນທຸກຄົນໃນຄອບຄົວຂອງລາວມີເຄື່ອງນຸ່ງທີ່ອຸ່ນໆ*ໃສ່.
מ [ເມັມ]
22 ລາວເຮັດຜ້າປູບ່ອນນອນເອງ.
ເຄື່ອງນຸ່ງຂອງລາວເຮັດຈາກຜ້າລີນິນແລະດ້າຍຂົນແກະທີ່ຍ້ອມສີມ່ວງ.
נ [ນູນ]
23 ຢູ່ປະຕູເມືອງ ຜົວຂອງລາວເປັນຄົນທີ່ແມ່ນໃຜກໍຮູ້ຈັກດີ.+ຜົວຂອງລາວນັ່ງຢູ່ຫັ້ນກັບພວກຜູ້ນຳຂອງແຜ່ນດິນ.
ס [ຊາເມກ]
24 ລາວເອົາຜ້າລີນິນມາເຮັດເຄື່ອງນຸ່ງຂາຍແລະລາວຂາຍສາຍແອວໃຫ້ພວກພໍ່ຄ້າ.
ע [ອາຢິນ]
25 ລາວເປັນຄົນກ້າຫານແລະໄດ້ຮັບຄວາມນັບຖືຈາກຄົນອື່ນແລະລາວເບິ່ງອະນາຄົດດ້ວຍຄວາມໝັ້ນໃຈ.
פ [ເພ]
26 ເມື່ອໃດທີ່ລາວເວົ້າ ລາວກໍເວົ້າຢ່າງສະຫຼາດ.+ແລະເມື່ອລາວສອນ ລາວກໍສອນແບບໃຈດີ.*
צ [ຊາເດ]
27 ລາວເບິ່ງແຍງທຸກຢ່າງໃນເຮືອນແລະລາວບໍ່ເຄີຍນັ່ງຢູ່ລ້າໆ.*+
ק [ໂຄບ]
28 ລູກຂອງລາວລຸກຂຶ້ນແລະຍົກຍ້ອງລາວ.ຜົວຂອງລາວກໍລຸກຂຶ້ນແລະຊົມເຊີຍລາວ.
ר [ເຣດ]
29 ຜູ້ຍິງທີ່ມີຄວາມສາມາດມີຫຼາຍຄົນແຕ່ເຈົ້າດີກວ່າທຸກຄົນ.
ש [ຊິນ]
30 ຄວາມງາມແລະສະເໜ່ອາດເປັນສິ່ງຫຼອກຕາ+ແຕ່ຜູ້ຍິງທີ່ຢ້ານຢຳພະເຢໂຫວາຈະໄດ້ຮັບກຽດ.+
ת [ເທົາ]
31 ລາວສົມຄວນໄດ້ຮັບລາງວັນຍ້ອນສິ່ງທີ່ລາວເຮັດ+ແລະລາວສົມຄວນໄດ້ຮັບການຍົກຍ້ອງຢູ່ປະຕູເມືອງຍ້ອນວຽກໜັກຂອງລາວ.+
ຂໍ
^ ຫຼື “ໃຫ້ສູ້ຄະດີເພື່ອ”
^ ເພງນີ້ແຕ່ງແບບລຽງລຳດັບຕາມໂຕອັກສອນໃນພາສາເຮັບເຣີ. ເບິ່ງຄຳວ່າ “ລຽງລຳດັບຕາມໂຕອັກສອນ” ໃນສ່ວນອະທິບາຍຄຳສັບ.
^ ຫຼື “ເມຍທີ່ດີ”
^ ເບິ່ງສ່ວນອະທິບາຍຄຳສັບ
^ ແປຕາມໂຕວ່າ “ຂົນແກະ”
^ ແປຕາມໂຕວ່າ “ຕອນກາງຄືນຕະກຽງຂອງລາວກໍບໍ່ມອດ”
^ ແປຕາມໂຕວ່າ “ສອງຊັ້ນ”
^ ແປຕາມໂຕວ່າ “ກົດໝາຍຂອງຄວາມຮັກທີ່ໝັ້ນຄົງຢູ່ເທິງລີ້ນຂອງລາວ”
^ ແປຕາມໂຕວ່າ “ລາວບໍ່ກິນເຂົ້າຈີ່ຂອງຄວາມຂີ້ຄ້ານ”
