ຈົດໝາຍສະບັບທຳອິດຂອງເປໂຕ 3:1-22
3 ໃຫ້ເຈົ້າທີ່ເປັນເມຍຍອມເຊື່ອຟັງຜົວ.+ ເຖິງວ່າຜົວບໍ່ເຊື່ອຟັງຖ້ອຍຄຳຂອງພະເຈົ້າ ແຕ່ການປະພຶດຂອງເຈົ້າກໍອາດຊະນະໃຈລາວໄດ້ໂດຍບໍ່ຕ້ອງໃຊ້ຄຳເວົ້າ+
2 ຍ້ອນລາວເຫັນວ່າເຈົ້າປະພຶດດີ*+ແລະນັບຖືລາວຈາກໃຈ.
3 ຢ່າໃຫ້ຄວາມງາມຂອງເຈົ້າຢູ່ແຕ່ພາຍນອກ ເຊິ່ງກໍແມ່ນການເປຍຜົມ* ການໃສ່ເຄື່ອງປະດັບທີ່ເປັນຄຳ+ ຫຼືການນຸ່ງເຄື່ອງທີ່ແພງໆ.
4 ແຕ່ໃຫ້ຄວາມງາມຂອງເຈົ້າຢູ່ພາຍໃນ ເຊິ່ງກໍແມ່ນໃຈທີ່ສະຫງົບແລະອ່ອນໂຍນ.+ ຄວາມງາມແບບນີ້ມີຄ່າຫຼາຍໃນສາຍຕາພະເຈົ້າແລະບໍ່ມີວັນຈືດຈາງ.
5 ພວກຜູ້ຍິງສະໄໝກ່ອນທີ່ບໍລິສຸດແລະຝາກຄວາມຫວັງໄວ້ກັບພະເຈົ້າກໍເຮັດໃຫ້ໂຕເອງງາມດ້ວຍວິທີນີ້ຄືກັນ. ເຂົາເຈົ້າຍອມເຊື່ອຟັງຜົວ
6 ຄືກັບທີ່ຊາຣາເຊື່ອຟັງອັບຣາຮາມແລະເອີ້ນລາວວ່າ “ນາຍ.”+ ຖ້າເຈົ້າເຮັດດີຕໍ່ໄປແລະບໍ່ຢ້ານຫຍັງ+ ເຈົ້າກໍເປັນລູກຂອງລາວ.
7 ໃຫ້ເຈົ້າທີ່ເປັນຜົວປະຕິບັດກັບເມຍ*ດ້ວຍຄວາມເຂົ້າໃຈ.* ໃຫ້ກຽດເມຍ+ແລະທະນຸຖະໜອມລາວຄືກັບທີ່ເຈົ້າຈະເຮັດກັບໂຖງາມໆທີ່ບອບບາງ ຍ້ອນລາວເປັນຜູ້ຍິງ ເພື່ອຈະບໍ່ມີຫຍັງເປັນອຸປະສັກຂັດຂວາງຄຳອະທິດຖານຂອງເຈົ້າ. ໃຫ້ຈື່ໄວ້ວ່າທັງເຈົ້າກັບລາວເປັນຜູ້ຮັບຊີວິດເປັນມໍລະດົກຮ່ວມກັນ+ທີ່ມາຈາກຄວາມກະລຸນາທີ່ຍິ່ງໃຫຍ່.
8 ສຸດທ້າຍນີ້ ໃຫ້ພວກເຈົ້າເປັນນ້ຳໜຶ່ງໃຈດຽວກັນ*+ ເຫັນອົກເຫັນໃຈກັນ ຮັກກັນແບບພີ່ນ້ອງ ອີ່ຕົນກັນ+ ແລະຖ່ອມໂຕ.+
9 ຢ່າເຮັດຊົ່ວຕອບແທນຊົ່ວ+ແລະຢ່າດ່າຄືນ+ ແຕ່ໃຫ້ເຮັດດີກັບຄົນອື່ນ+ ຍ້ອນພະເຈົ້າເລືອກພວກເຈົ້າມາໃຫ້ເຮັດແບບນີ້ແລະເພິ່ນຈະເຮັດດີກັບພວກເຈົ້າ.*
10 ພວກເຈົ້າຕ້ອງເຮັດແບບນີ້ ຍ້ອນມີຄຳຂຽນໄວ້ວ່າ “ຄົນທີ່ຢາກມີຊີວິດທີ່ດີແລະຢາກມີອາຍຸຍືນຍາວກໍຕ້ອງລະວັງຢ່າເວົ້າຫຍັງທີ່ບໍ່ດີ+ແລະຢ່າເວົ້າຫຼອກລວງ.
11 ໃຫ້ລາວເຊົາເຮັດຊົ່ວ+ ແຕ່ໃຫ້ເຮັດດີ.+ ໃຫ້ລາວສ້າງສັນຕິກັບຄົນອື່ນແລະເຮັດແບບນັ້ນຕໍ່ໆໄປ.+
12 ຍ້ອນພະເຢໂຫວາ*ເຝົ້າເບິ່ງຄົນທີ່ເຮັດສິ່ງທີ່ຖືກຕ້ອງ ແລະເພິ່ນຟັງຄຳອ້ອນວອນຂອງເຂົາເຈົ້າ+ ແຕ່ພະເຢໂຫວາ*ບໍ່ຍອມຮັບຄົນທີ່ເຮັດຊົ່ວ.”+
13 ທີ່ຈິງ ຜູ້ໃດຈະມາທຳຮ້າຍພວກເຈົ້າ ຖ້າພວກເຈົ້າຕັ້ງໃຈເຮັດດີ?+
14 ແຕ່ເຖິງວ່າພວກເຈົ້າຕ້ອງທົນທຸກລຳບາກຍ້ອນເຮັດສິ່ງທີ່ຖືກຕ້ອງ ພວກເຈົ້າກໍຍັງມີຄວາມສຸກ.+ ຢ່າຢ້ານສິ່ງທີ່ຄົນອື່ນຢ້ານ*ແລະຢ່າອຸກໃຈ.+
15 ແຕ່ໃນໃຈພວກເຈົ້າ ໃຫ້ນັບຖືພະຄລິດເປັນນາຍ ແລະໃຫ້ພ້ອມຢູ່ສະເໝີທີ່ຈະອະທິບາຍເລື່ອງຄວາມຫວັງຂອງພວກເຈົ້າກັບຄົນທີ່ສົງໄສວ່າເປັນຫຍັງພວກເຈົ້າຈຶ່ງຫວັງແບບນັ້ນ ແຕ່ໃຫ້ເຮັດແບບສຸພາບ+ແລະດ້ວຍຄວາມນັບຖື.+
16 ພວກເຈົ້າທີ່ເປັນລູກສິດຂອງພະຄລິດຕ້ອງມີການປະພຶດທີ່ດີ. ຖ້າເຮັດແບບນັ້ນໃຈຮູ້ຜິດຮູ້ຖືກຂອງພວກເຈົ້າຈະບໍ່ຖືກລົບກວນ+ ແລະຖ້າມີຄົນເວົ້າໃສ່ຮ້າຍພວກເຈົ້າ ເຂົາເຈົ້າກໍຈະອາຍ+ເມື່ອເຫັນການປະພຶດທີ່ດີຂອງພວກເຈົ້າ.+
17 ຖ້າພະເຈົ້າຍອມໃຫ້ພວກເຈົ້າເຈິຄວາມລຳບາກຍ້ອນເຮັດດີ+ ກໍຍັງດີກວ່າທີ່ພວກເຈົ້າຕ້ອງເຈິຄວາມລຳບາກຍ້ອນເຮັດຊົ່ວ.+
18 ພະຄລິດຕາຍເທື່ອດຽວເພື່ອໄຖ່ບາບ+ ເຊິ່ງແມ່ນການຕາຍຂອງຄົນດີເພື່ອຄົນຊົ່ວ+ ເພື່ອເພິ່ນຈະຊ່ວຍພວກເຈົ້າໃຫ້ຄືນດີກັບພະເຈົ້າໄດ້.+ ເພິ່ນຖືກຂ້າໃນຮ່າງກາຍມະນຸດ+ ແຕ່ໄດ້ຊີວິດໃໝ່ໃນຮ່າງກາຍສຳລັບສະຫວັນ.+
19 ໃນສະພາບນີ້ແຫຼະທີ່ເພິ່ນໄປປະກາດ*ກັບພວກທູດສະຫວັນທີ່ຢູ່ໃນຄຸກ.+
20 ທູດສະຫວັນເຫຼົ່ານັ້ນບໍ່ເຊື່ອຟັງໃນສະໄໝໂນອາ. ຕອນນັ້ນພະເຈົ້າລໍຖ້າຢ່າງອົດທົນ+ໃຫ້ມີການສ້າງເຮືອ*ຈົນແລ້ວ+ ເພື່ອ 8 ຄົນຈະລອດຈາກນ້ຳຖ້ວມໄດ້.+
21 ເລື່ອງນີ້ທຽບໄດ້ກັບການຮັບບັບເຕມາ. ຕອນນີ້ ການຮັບບັບເຕມາຊ່ວຍພວກເຈົ້າໃຫ້ລອດຍ້ອນພວກເຈົ້າເຊື່ອໃນການຄືນມາຈາກຕາຍຂອງພະເຢຊູຄລິດ. ການຮັບບັບເຕມາບໍ່ແມ່ນການເຮັດໃຫ້ຮ່າງກາຍສະອາດ ແຕ່ເປັນການຂໍພະເຈົ້າເພື່ອຊ່ວຍບໍ່ໃຫ້ມີຫຍັງລົບກວນໃຈຮູ້ຜິດຮູ້ຖືກ.+
22 ພະຄລິດໄປສະຫວັນແລ້ວ ແລະຕອນນີ້ເພິ່ນຢູ່ເບື້ອງຂວາມືຂອງພະເຈົ້າ.+ ພະເຈົ້າໃຫ້ພວກທູດສະຫວັນກັບຜູ້ມີອຳນາດທັງໝົດຢູ່ໃຕ້ອຳນາດເພິ່ນ.+
ຂໍ
^ ແປຕາມໂຕວ່າ “ສະອາດ”
^ ໝາຍເຖິງເຮັດຊົງຜົມແບບອະລັງການ
^ ຫຼື “ຢູ່ກິນກັບເມຍຕໍ່ໄປ”
^ ຫຼື “ດ້ວຍຄວາມເຫັນອົກເຫັນໃຈ”
^ ຫຼື “ຄິດສອດຄ່ອງກັນ”
^ ແປຕາມໂຕວ່າ “ພວກເຈົ້າຈະໄດ້ຮັບພອນເປັນມໍລະດົກ”
^ ເບິ່ງພາກຜະໜວກ ກ5
^ ເບິ່ງພາກຜະໜວກ ກ5
^ ຫຼືອາດແປວ່າ “ຢ່າຢ້ານການຂົ່ມຂູ່”
^ ຫຼື “ປະກາດຄຳຕັດສິນ”
^ ແປຕາມໂຕວ່າ “ຫີບ.” ໝາຍເຖິງເຮືອໃຫຍ່ທີ່ມີຮູບຮ່າງຄືກັບກ່ອງສີ່ລ່ຽມ.
