ພາກທີ 5
ເມື່ອນໍ້າໄດ້ຖ້ວມໂລກ—ໃຜໄດ້ເຊື່ອຟັງ? ໃຜບໍ່ໄດ້ເຊື່ອຟັງ?
ຄົນສ່ວນຫຼາຍໃນສະໄໝຂອງໂນເອເຮັດສິ່ງທີ່ບໍ່ດີ. ຕົ້ນເດີມ 6:5
ອາດາມແລະເອວາມີລູກ ຜູ້ຄົນໄດ້ເພີ່ມຫຼາຍຂຶ້ນເທິງແຜ່ນດິນໂລກ. ຕໍ່ມາທູດສະຫວັນຈຳນວນໜຶ່ງໄດ້ເຂົ້າຮ່ວມໃນການຂືນອຳນາດກັບຊາຕານ.
ເຂົາເຈົ້າມາທີ່ແຜ່ນດິນໂລກແລະແປງກາຍເປັນມະນຸດເພື່ອຈະຢູ່ກິນກັບພວກຜູ້ຍິງ. ຜູ້ຍິງເຫຼົ່ານັ້ນເກີດລູກທີ່ມີກຳລັງເໜືອມະນຸດ ລູກເຫຼົ່ານີ້ມັກຄວາມຮຸນແຮງແລະມີກຳລັງຫຼາຍ. ທົ່ວໂລກເຕັມໄປດ້ວຍຄົນທີ່ເຮັດສິ່ງທີ່ຊົ່ວຮ້າຍ.
ຄຳພີໄບເບິນກ່າວວ່າ: “ຄວາມຊົ່ວຮ້າຍຂອງມະນຸດຂຶ້ນມາກຫຼາຍເທິງແຜ່ນດິນໂລກ ແລະຄວາມຜິປອງທັງສິ້ນແຫ່ງຄວາມຄຶດໃນໃຈມະນຸດເປັນຄວາມຊົ່ວຮ້າຍທຸກເວລາ.”
ໂນເອເຊື່ອຟັງພະເຈົ້າແລະໄດ້ສ້າງນາວາ. ຕົ້ນເດີມ 6:13, 14, 18, 19, 22
ໂນເອເປັນຄົນດີ. ພະເຢໂຫວາບອກໂນເອວ່າ ພະອົງຈະໃຫ້ນໍ້າຖ້ວມໂລກເພື່ອທຳລາຍຄົນຊົ່ວໃຫ້ໝົດໄປ.
ພະເຈົ້າຍັງສັ່ງໃຫ້ໂນເອສ້າງເຮືອໃຫຍ່ລຳໜຶ່ງ ເອີ້ນວ່ານາວາ ເພື່ອໃຫ້ລາວເອົາຄອບຄົວແລະສັດທຸກຊະນິດເຂົ້າໄປໃນນາວາ.
ໂນເອໄດ້ເຕືອນຜູ້ຄົນເລື່ອງນໍ້າຈະຖ້ວມໂລກ ແຕ່ວ່າເຂົາເຈົ້າບໍ່ໄດ້ເອົາໃຈໃສ່. ບາງຄົນຫົວຂວັນໃສ່ໂນເອ ບາງຄົນຊັງລາວ.
ເມື່ອສ້າງນາວາຮຽບຮ້ອຍແລ້ວ ໂນເອຈຶ່ງໄດ້ນຳເອົາສັດຊະນິດຕ່າງໆເຂົ້າໄປໃນນາວາ.
ເລື່ອງທີ່ເຈົ້າອາດຈະມັກ
ຄຳພີໄບເບິນ—ບອກເລື່ອງຫຍັງ?
ມະນຸດລອດຊີວິດຈາກນໍ້າຖ້ວມໂລກ
ຄວາມຊົ່ວແພ່ລາມອອກໄປທົ່ວແຜ່ນດິນໂລກຢ່າງໃດ? ໂນເອພິສູດຕົວເປັນຄົນສັດຊື່ຢ່າງໃດ?
