Litaba ka za Libuka za Mwa Bibele

Litaba ka za Bibele

Mubone mo buka ni buka ya mwa Bibele iswalisanela ni taba yetuna yebulezwi mwa Bibele kaufela yeli mo Mubuso oka busiwa ki Kreste Jesu uka keniseza libizo la Jehova.

Litaba ka za Buka ya Genese

Buka ya Genese ilutaluseza litaba za butokwa hahulu ka za simuluho ya batu ni ka za mone kutezi kuli lukale kunyanda ni kushwa.

Litaba ka za Buka ya Exoda

Mulimu naalukuluzi Maisilaele mwa butanga mwa Egepita mi abaeza sicaba sahae.

Litaba ka za Buka ya Livitike

Mulemuhe mo buka ya Livitike italuseza bukeni bwa Mulimu ni libaka kuba babakenile hakuli kwa butokwa hahulu.

Litaba ka za Buka ya Deuteronoma

Mubone mo Mulao wanaafile Jehova kwa Maisilaele neuboniseza kuli naalata hahulu batu bahae.

Litaba ka za Buka ya Joshua

Mulemuhe mo Maisilaele nebatulezi ni kuikabelela naha yene bafilwe ki Mulimu.

Litaba ka za Buka ya Baatuli

Buka ye yebulela za likezahalo zemaata ifilwe libizo la baatuli kabakala baana bane banani bundume ni tumelo banaaitusisize Mulimu kwa kulamulela Maisilaele kwa macaba anaa bahatelela.

Litaba ka za Buka ya 1 Samuele

Mubone mo Isilaele wa kwaikale natuhelezi kuzamaiswa ki Baatuli ni kukala kubusiwa ki malena ba butu.

Litaba ka za Buka ya 2 Samuele

Mulemuhe mo buikokobezo ni tumelo ya Davida limutuseza kuba yomuñwi wa batu babalatwa ni kuzibahala hahulu bababulezwi mwa Bibele.

Litaba ka za Buka ya 1 Malena

Munyakisise mo bupilo nebubezi mwa Isilaele kukala ka nako yanaabusa Salumoni hane kunani kanya ni bufumu kuisa ka nako yene kunani mifilifili mwahalaa mubuso wa Isilaele ni wa Juda.

Litaba ka za Buka ya 2 Malena

Mulemuhe mo bukwenuheli nebutahiselize kuli mubuso wa Isilaele wa kwa mutulo usinyehe, niteñi Jehova naafuyauzi bane bamusebelelize ka lipilu zabona kaufela.

Litaba ka za Buka ya 1 Makolonika

Mubone simuluho ni bupilo bobunde bwa Mulena Davida yanaasaba Mulimu, kuzwa ka nako yanaabile mulena mwa naha ya Isilaele kufitela lifu lahae.

Litaba ka za Buka ya 2 Makolonika

Mubone mo litaba za kwamulaho ze za malena ba Juda liboniseza butokwa bwa kusepahala ku Mulimu.

Litaba ka za Buka ya Estere

Litaba zeneezahezi mwa miteñi ya Estere likatiisa tumelo yamina ku Jehova Mulimu, kuli unani maata a kupilisa batu bahae ni kubazwisa mwa matata ebakopana ni ona kacenu.

Litaba ka za Buka ya Jobo

Batu kaufela baba lata Jehova ba ka likiwa. Buka ya Jobo i lufa buikolwiso bwa kuli lwa kona ku sepahala ku Jehova ni kuyemela bubusi bwa hae.

Litaba ka za Buka ya Lisamu

Litaba zeñozwi mwa buka ya Lisamu likutekehisa bubusi bwa Jehova, litusa ni kuomba-omba batu baba mulata, mi libonisa mwakatahiseza licinceho fa lifasi ka Mubuso wahae.

Litaba ka za Buka ya Liproverbia

Mufumane ketelelo yezwa ku Mulimu yetusa mwa miinelo kaufela ya bupilo—ibe mwa litaba za lipisinisi kamba mwa litaba zeama lubasi.

Litaba ka za Buka ya Muekelesia

Mulena Salumoni ubonisa lika zeli za butokwa hahulu mwa bupilo mi ulibapisa kwa lika zelwanisana ni butali bobuzwa ku Mulimu.

Litaba ka za Buka ya Pina ya Salumoni

Lilato lelisa feli lanaanani lona musizana wa Mushulamiti ku mulisana litaluswa kuli ki “mulilo wa Jah.” Kabakalañi?

Litaba ka za Buka ya Isaya

Isaya ki buka yenani bupolofita bobunepahezi, bobukona kulutusa kusepa Jehova sina Mutalelezi wa lisepiso ni Mulimu yapilisa.

Litaba ka za Buka ya Jeremia

Jeremia naazwezipili kueza musebezi wahae ka busepahali kusina taba ni kuli naakopana ni miinelo yetaata. Munahane feela mo mutala wahae ukona kutuseza Bakreste kacenu.

Litaba ka za Buka ya Malilo

Neiñozwi ki Mupolofita Jeremia, ibonisa masitapilu anaabile teñi bakeñisa kusinyiwa kwa Jerusalema ni mo kubaka kutahiseza sishemo sa Mulimu.

Litaba ka za Buka ya Ezekiele

Ezekiele ka buikokobezo ni ka bundume upeta musebezi kaufela wafiwa ki Mulimu, kusina taba ni butata bwa ona. Mutala wahae ki wabutokwa hahulu ku luna kacenu.

Litaba ka za Buka ya Daniele

Daniele ni balikani bahae nebazwezipili kusepahala ku Jehova mwa miinelo kaufela. Mutala wabona ni kutalelezwa kwa bupolofita kwakona kulutusa kacenu, mwa nako ye ya mafelelezo.

Litaba ka za Buka ya Hosea

Bupolofita bwa Hosea bululuta lituto za butokwa hahulu kacenu ka za mo Jehova aboniseza sishemo kwa baezalibi bababakile ni mufuta bulapeli bwatabela.

Litaba ka za Buka ya Joele

Joele naapolofitile ka za “lizazi la Jehova” leliatumela ni zekona kulutusa kupunyuha. Bupolofita bwahae ki bwa butokwa hahulu kacenu.

Litaba ka za Buka ya Amosi

Jehova naaitusisize muuna yaikokobeza yo kueza musebezi wa butokwa. Ki lituto mañi za butokwa za luituta kwa mutala wa Amosi?

Litaba ka za Buka ya Obadia

Ki yona buka yekuswani kakufitisisa mwa Mañolo A Siheberu. Bupolofita bo, bufa sepo ni kusepisa za kububaniswa kwa bubusi bwa Jehova.

Mupolofita yo naamuhezi kalimelo, naatalelelize musebezi wanaafilwe, mi naalutilwe tuto ya butokwa ka za lilato la Mulimu lelisa feli ni sishemo sahae. Litaba zanaaipumani ku zona lika mifita kwa pilu.

Litaba ka za Buka ya Mika

Bupolofita bo, bobutahile ka susumezo ya moya wa Mulimu, bwakona kulutusa kuba ni buikolwiso bwa kuli Jehova ulukupa kueza lika zelukona ni zeelutusa.

Litaba ka za Buka ya Nahumi

Bupolofita bo, bulutusa kuba ni buikolwiso bwa kuli Jehova kamita watalelezanga zabulezi ni kuli waomba-ombanga batu kaufela babata kozo ni kupiliswa mwatasaa Mubuso wahae.

Litaba ka za Buka ya Habakuki

Lwakona kusepa kuli Jehova kamita waziba nako yeswanela ni nzila yende ya kupilisa ka yona batu bahae.

Litaba ka za Buka ya Zefania

Ki kabakalañi halusa swaneli kunahana kuli lizazi la Jehova la katulo halina kutaha?

Litaba ka za Buka ya Hagai

Bupolofita bo bubonisa butokwa bwa kubeya bulapeli bwa Mulimu mwa sibaka sapili kufita lika za kabutu.

Litaba ka za Buka ya Zakaria

Lipono ni bupolofita bobuñata bone butiisize batu ba Mulimu kwaikale. Bupolofita bobuswana bo bulukolwisa kuli Jehova uka lutusa kacenu.

Litaba ka za Buka ya Malaki

Ki bupolofita bobubulela za likuka za Jehova zesacinci za sishemo, ni lilato. Bupolofita bo hape boluluta lituto za butokwa ka za miinelo ya mwa miteñi ye.

Litaba ka za Buka ya Mateu

Muikole kuituta litaba zekuswani ka za buka ya mwa Bibele ye, yona buka yapili kwa Libuka za Evangeli zeene.

Litaba ka za Buka ya Mareka

Ki yekuswani kwa libuka za Evangeli, buka ya Mareka ibonisa zeukato eza Mubuso wa Mulimu Jesu hakabusa.

Litaba ka za Buka ya Luka

Ki litaba mañi zefumaneha mwa buka ya Luka ili zesiyo mwa libuka zeñwi za Evangeli?

Litaba ka za Buka ya Joani

Buka ya Joani ibonisa lilato la bonisa Jesu kwa batu, mutala wanaatomile wa buikokobezo, ni lika zenebonisize kuli ki yena Mesia—Mulena wa Mubuso wa Mulimu.

Litaba ka za Buka ya Likezo za Baapositola

Bakreste ba kwa makalelo nebasebelize kataata kuli batuse batu ba macaba kaufela kuba balutiwa. Buka ya Likezo yakona kumitusa kuekeza kwa tukufalelo ni cisehelo ya mina mwa bukombwa.

Litaba ka za Buka ya Maroma

Litaba zeñozwi ka kususumezwa ki moya okenile libonisa kuli Jehova haana ketululo mi hape libonisa butokwa bwa kuba ni tumelo ku Jesu Kreste.

Litaba ka za Buka ya 1 Makorinte

Mwa liñolo lanaañozi Paulusi kunani likelezo zeama swalisano, mwakupilela ka likuka zekenile za muzamao, za lilato, ni za kuba ni tumelo mwa zuho ya Jesu.

Litaba ka za buka ya 2 Makorinte

Jehova, yena “Mulimu yaomba-omba mwa miinelo kaufela,” utiisanga ni kutusa batanga bahae.

Litaba ka za Buka ya Magalata

Liñolo la Paulusi kwa Magalata lisasebeza ni ku luna kacenu sina feela mone lisebeleza ka nako yene liñozwi. Lakona kutusa Bakreste ba niti kaufela kuzwelapili kusepahala.

Litaba ka za Buka ya Maefese

Liñolo le lene liñozwi ka kususumezwa ki moya wa Mulimu libonisa mulelo wa Mulimu wa kutahisa kozo ni swalisano ka Jesu Kreste.

Litaba ka za Buka ya Mafilipi

Haiba lutiyela nyandiso, lwakona kususueza babañwi kuli nibona baitiise.

Litaba ka za Buka ya Makolose

Lwakona kutabisa Jehova haiba lupila ka kulatelela litaba zelulituta, haiba luswalela babañwi ka kuitatela, ni halulemuha situlo ni maata zanani zona Jesu.

Litaba ka za Buka ya 1 Matesalonika

Luswanela kuzwelapili kutona kwa moya, ‘kuikolwisisa lika kaufela,’ ‘kulapela ka nako kaufela,’ ni kususuezana.

Litaba ka za Buka ya 2 Matesalonika

Paulusi naahakuluzi muboneli ofosahezi ka za kutaha kwa lizazi la Jehova, mi naasusuelize mizwale kuli batiye mwa tumelo.

Litaba ka za Buka ya 1 Timotea

Paulusi naañozi liñolo la 1 Timotea kuli ataluse moliswanela kuezezwa lika mwa puteho ni kulemusa Bakreste ka za lituto za buhata ni za kulata hahulu masheleñi.

Litaba ka za Buka ya 2 Timotea

Paulusi ususueza Timotea kuli apete hande bukombwa bwahae.

Litaba ka za Buka ya Tite

Liñolo lanaañozi Paulusi ku Tite, libulela za miinelo yetaata yeneli mwa liputeho za mwa Kreta, mi litalusa lika zaswanela kukwanisa mutu kuli abe muuna-muhulu.

Litaba ka za Buka ya Filemoni

Mwa liñolo lelikuswani le kunani lituto za butokwa hahulu ka za kubonisa buikokobezo, sishemo, ni za kuswalelana.

Litaba ka za Buka ya Maheberu

Bulapeli bwa butomile fa lika zeipitezi hahulu kufita tempele ni matabelo a lifolofolo.

Litaba ka za Buka ya Jakobo

Jakobo naitusisize liswanisezo za lika zezibahala kuli ataluse likuka za butokwa za mobaswanela kupilela Bakreste.

Litaba ka za Buka ya 1 Pitrosi

Liñolo la Pitrosi lapili lilususueza kueza musebezi ni kunepela lipilaelo zaluna ku Mulimu.

Litaba ka za Buka ya 2 Pitrosi

Liñolo la 2 Pitrosi lilususueza kusepahala halunze lulibelela lihalimu lelinca ni lifasi lelinca.

Litaba ka za Buka ya 1 Joani

Liñolo le la Joani lilulemusa ka za babalwanisa Kreste ni kulutusa kuziba lika zeluswanela kulata ni zelusa swaneli kulata.

Litaba ka za Buka ya 2 Joani

Liñolo la 2 Joani liluhupulisa kuli luswanela kuzwelapili kuzamaya mwa niti ni kuisileleza kwa baipumisi.

Litaba ka za Buka ya 3 Joani

Liñolo la Joani labulaalu liluta Bakreste tuto ya butokwa ka za kuamuhela baenyi.

Litaba ka za Buka ya Juda

Juda upatulula mikwa ya batu bababata kuyaulula Bakreste.

Litaba ka za Buka ya Sinulo

Lipono zemakaza ze mwa buka ya Sinulo libonisa mo Mubuso wa Mulimu ukataleleza mulelo wa Mulimu ka za batu ni ka za lifasi.

Hape Mwendi Mwakona Kutabela Litaba Ze

Mukete Puo Yamina

Mulume linki