Batu mwa mazazi a mafelelezo a batalimana ni miinelo yetaata yemiñata. Mafelelezo a lifasi le hanze aatumela, miinelo yetaata ikaekezeha hahulu. Ka linako zeñwi, mwendi haluna kuba ni lika zeñwi za kuitusisa. (Hab. 3:16-18) Ki lika mañi zeka lutusa kuba ni buikolwiso bwa kuli lwakona kutiyela miinelo yetaata yetahiswa ki kutokwa hande masheleñi? Luswanela kuzwelapili kusepa Mulimu waluna Jehova. Usepisize kuli ukababalela batanga bahae, mi wakona kulutusa mwa muinelo ufi kamba ufi.—Samu 37:18, 19; Maheb. 13:5, 6.

Zemukona kueza:

• Mukupe Jehova kuli amietelele, kumifa butali, ni kumitusa.—Samu 62:8

• Muitatele kueza misebezi nihaiba yemusika eza kale.—g 4/10 24-25, tumbokisi

• Muzwelepili kueza lika za kwa moya zecwale ka kubalanga Bibele zazi ni zazi, kufumanehanga kwa mikopano ya puteho, ni kufumanehanga mwa bukombwa

MUBUHE VIDIO YELI, MUYAHE NDU YESIKE YASINYEHA—‘MUKOLWE KA ZEMUNANI ZONA CWALE,’ MI KIHONA MUKAALABA LIPUZO ZELATELELA:

• Mabasi amañwi akopani ni miinelo mañi yetaata?

• Ki nto mañi ya butokwa hahulu mwa bupilo?

• Lukona kutusa cwañi babatalimana ni butata bwa kutokwa hande masheleñi?