Tumelo ya Mazwake
Kana batu kaufela baba mwa bulapeli balapela Mulimu yaswana?
Kana Jehova waamuhela bulapeli kaufela kusina taba ni kuli buluta lituto zeshutana?
Mat. 7:13, 14; Joa. 17:3; Maef. 4:4-6
-
Mitala ya mwa Bibele yekona kulutusa:
-
Josh. 24:15—Joshua utalusa za keto yelutokwa kueza, ili kuketa kusebeleza Jehova kamba kusebeleza milimu isili
-
1 Mal. 18:19-40—Ka kuitusisa Mupolofita Elia, Jehova ubonisa kuli batu babalapela Mulimu wa niti habaswaneli kulapela milimu isili, inge cwalo Baale
-
Jehova uunga cwañi milimu ya macaba mi uikutwa cwañi ka za kulapela milimu yeo?
Jehova uikutwa cwañi ka za batu babaipapata kumulapela kono hape inge baeza lika zemaswe zatoile?
Isa. 1:13-15; 1 Makor. 10:20-22; 2 Makor. 6:14, 15, 17
-
Mitala ya mwa Bibele yekona kulutusa:
-
Exo. 32:1-10—Kabakala kukukuezwa ki Maisilaele sina yena, Aruni ueza siswaniso sa namani mi uitusisa sona kwa kueza mukiti otwi ki “mukiti wa Jehova,” ili kushemaeta Jehova kuli ahalife hahulu
-
1 Mal. 12:26-30—Kuli atuhelise batu kuya kwa tempele mwa Jerusalema, Mulena Jeroboami uitusisa maswaniso kuyemela Jehova, ili kutahiseza batu kueza sibi
-
Jehova naatusize cwañi Maisilaele kulemuha kuli nebatokwa kuikauhanya kwa batu bane balapela milimu isili?
Jehova naaezizeñi batu bahae hane baikenyize mwa likezo za bulapeli busili?
Baat. 10:6, 7; Samu 106:35-40; Jer. 44:2, 3
-
Mitala ya mwa Bibele yekona kulutusa:
-
1 Mal. 11:1-9—Kabakala kukukuezwa ki basali bahae ba macaba asili, Mulena Salumoni, ufoseza Jehova ka kulapela milimu isili ni kususueza babañwi kueza nto yeswana
-
Samu 78:40, 41, 55-62—Asafi utalusa mo bukwenuheli bwa Maisilaele ni kulapela milimu ya maswaniso nekuutwiselize Jehova butuku kwa pilu ni kutahisa kuli ahane sicaba sahae
-
Kana Jesu naayemezi lituto za bulapeli zenesa lumelelani ni Linzwi la Mulimu?
-
Mitala ya mwa Bibele yekona kulutusa:
-
Mat. 16:6, 12—Jesu ubapanya lituto za Bafalisi ni Basaduki kwa mumela kabakala kuli lituto za buhata lihasananga ka bubebe mi likona kufokolisa tumelo ya batu babalutilwe niti yekenile ye mwa Linzwi la Mulimu
-
Mat. 23:5-7, 23-33—Jesu unyaza hahulu likezo za buipumisi ni lituto za buhata za bañoli ni Bafalisi
-
Mare. 7:5-9—Jesu ubonisa patalaza kuli Basaduki ni Bafalisi bakuteka hahulu lizo za batu kufita lituto za mwa Linzwi la Mulimu
-
Kana Jesu naasusuelize balateleli bahae kueza likwata za bulapeli zeshutana-shutana?
-
Mitala ya mwa Bibele yekona kulutusa:
-
Joa. 15:4, 5—Jesu uitusisa kota ya veine kuswaniseza swalisano yebatokwa kubukeleza balateleli bahae mwahalaa bona ni yena ni Bakreste babañwi
-
Joa. 17:1, 6, 11, 20-23—Fa busihu bwa mafelelezo bwanaali ni baapositola bahae pili asika bulaiwa kale, Jesu ulapelela swalisano ya balateleli bahae kaufela ba niti
-
Kana Bakreste mwa liputeho zeñata mwa linako za baapositola nebalumela litaba zeswana ni kulapela Jehova ka nzila yeswana?
-
Mitala ya mwa Bibele yekona kulutusa:
-
Lik. 11:20-23, 25, 26—Mwa liputeho za mwa Antioke ni Jerusalema nekunani swalisano yetuna mi Bakreste nesebelisana hamoho
-
Maro. 15:25, 26; 2 Makor. 8:1-7—Bakreste ba mwa liputeho zeñata mwa linako za baapositola baikabela lika zebanani zona ka kufa limpo za kutusa baba mwa butokwi, ili kubonisa kuli lilato liswalisanisa liputeho
-
Kana Mulimu waamuhela bulapeli kaufela bobuipapata kuli bunani tumelo ku Kreste?
Haiba balapeli habamameli lituto zanaaluta Kreste ni baapositola, kana bulapeli bwabona bwakona kuamuhelwa?
Lik. 20:29, 30; 1 Tim. 4:1-3
-
Mitala ya mwa Bibele yekona kulutusa:
-
Mat. 13:24-30, 36-43—Jesu uitusisa swanisezo yeñwi kubonisa kuli sina feela mufuka omela mwa simu, Bakreste babañata ba buhata nebaka bateñi ni kuhapa puteho
-
1 Joa. 2:18, 19—Muapositola Joani yasaali musupali kwa mafelelezo a linako za baapositola, ubonisa kuli bo antikreste babañata kikale babonahala
-
Ki lika mañi zekona kuezahala haiba batu babaluta lituto za buhata ni babanani muzamao omaswe batuhelelwa kuba mwa puteho?
Ki lika mañi zebaswanela kueza Bakreste kuli bazwelepili kuswalisana?
Ki kabakalañi Bakreste habaswanela kuambuka kuikenya mwa bulapeli bwa buhata?
Ki kabakalañi kupatulula lituto za buhata ze mwa bulapeli bwa buhata hakulukile ni hakutusa?
Ki kabakalañi halusa swaneli kukomoka muta batu baba mwa bulapeli bwa buhata balulwanisa ni kulunyandisa?
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Kana Lipaki za Jehova Baswalisananga ni Bulapeli Busili Kulapela Mulimu?
Ki lituto mañi za mwa Bibele zebatusa kualaba puzo ye?
TAWALA YA MULIBELELI
Kana Mulimu wa Lumeleza Tumelo ya Mazwake?
Kana mwa swanela ku eza lika ze si ka luka ka mulelo feela wa ku bata ku swalisana ni ku utwana ni batu ba bañwi? Bibele i ka mi tusa ku utwisisa taba yeo.
LIKALABO KWA LIPUZO ZA BIBELE
Kana Bulapeli Kaufela Bwaswana? Kana Kaufelaa Bona Butusa Batu Kusutelela ku Mulimu
Bibele ialaba puzo yeo ka kutalusa bulapeli bobusa tabisi Mulimu mwa likalulo zepeli.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
