Ki Mañi Luli Yazamaisa Lifasi?

MUBAPALE

Kana muunga kuli ki . . .

Mulimu?
batu?
mutu yomuñwi?

ZEIBULELA BIBELE

“Lifasi kaufela li mwa maata a yamaswe.”—1 Joani 5:19.

‘Mwanaa Mulimu naabonahezi, kuli asinye misebezi ya Diabulosi.’ —1 Joani 3:8, Bibele ya Toloko ya Lifasi le Linca.

MOMUKONA KUTUSEZWA KI TABA YEO

Mukaziba mabaka hakunani miinelo yetaata mwa lifasi.—Sinulo 12:12.

Mukaba ni libaka la kulumela kuli miinelo mwa lifasi ikacinca kuba yeminde.—1 Joani 2:17.

KANA LULI LWASWANELA KULUMELA ZEIBULELA BIBELE?

Eni, sihulu ka mabaka amalaalu:

Satani upalezwi kubusa. Jehova ulelile kufelisa puso ya Satani mwa lifasi. Usepisa “kuyundisa . . . Diabulosi” ni kufeliseleza bumaswe kaufela bwatahisize Satani.—Maheberu 2:14, Bibele ya Toloko ya Lifasi Lelinca.
Mulimu uketile Jesu Kreste kuli abuse lifasi. Jesu ushutanela kwahule hahulu ni mubusi yasituhu wa lifasi le, ili yanani buitati. Mulimu usepisa cwana ka za mwakabuseza Jesu: “Ukashwela makeke mutu wa mayemo a kwatasi ni mubotana . . . Uka balamulela kwa buhateleli ni kwa mifilifili.”—Samu 72:13, 14.
Mulimu hakoni kupuma. Bibele ibulela hande kuli: ‘Mulimu hakoni kupuma.’ (Maheberu 6:18) Jehova hasepisa kueza nto yeñwi, kuswana feela inge kuli uezize kale nto yeo! (Isaya 55:10, 11) “Mubusi wa lifasi le ukalundulwa.”—Joani 12:31.

ZA KUNAHANISISA

Kukaba cwañi mwa lifasi mubusi walona hasalunduzwi?

Bibele ialaba puzo yeo kwa liñolo la SAMU 37:10, 11 ni la SINULO 21:3, 4.

Hape Mwendi Mwakona Kutabela Litaba Ze

TAWALA YA MULIBELELI

Likalabo kwa Lipuzo za Bibele

LITUTO ZA BUTOKWA ZA MWA BIBELE

Ki Kabakalañi Mulimu Hatuhelezi Manyando?

Batu babañata baipuzanga ka za libaka mwa lifasi hakunani hahulu sitoyo ni manyando. Bibele ilufa kalabo yekolwisa ili yeomba-omba.

LIKALABO KWA LIPUZO ZA BIBELE

Kana Diabulosi Uteñi Luli?

Kana Diabulosi ki nto feela ya mwa pilu yelususueza kueza zemaswe kamba uteñi luli?

TAWALA YA MULIBELELI

Kana Lwa Swanela ku Saba Satani?

Mulimu u lukisize lika zee ne ze kona ku mi tusa ku hanyeza twaniso ya Satani.

KA ZA LUNA

Ki Kabakalañi ha lu Swanela ku Ituta Bibele?

Bibele i sweli ku alaba lipuzo za butokwa hahulu ze ba sweli ku buza batu ba bañata-ñata mwa lifasi kaufela. Kana mwa tabela ku ba yo muñwi wa batu bao?