Zekona Kulutusa Kukolwa ka Zelunani
Kaufelaa luna, ibe kuli lumakwasha kamba lu mwa linyalo, lubata kuba ni tabo ni kukolwa ka zelunani. Mubupi waluna ni yena ubata kuli luikutwe cwalo. Kacwalo, ulufile likelezo zende hahulu.
Mube ni Miswalo
“Yauzwa asike auzwa hape; kono asebeze ka taata, aeze musebezi omunde ka mazoho ahae, kuli abe ni sa kuikabela ni yatokwile.”—MAEFESE 4:28.
Mubupi waluna ubata kuli lutabele kusebeza. Ki kabakalañi? Kakuli mutu yabeleka ka taata ubanga ni tabo bakeñisa kuli wafumanelanga lubasi lwahae zelutokwa. Mane wakona nihaiba kutusa mutu yatokwile. Hape mutu yacwalo ukalatwa hahulu ki mubelekisi wahae. Kacwalo mubeleki yomunde haana kulatehelwa ki musebezi wahae. Mañolo abonisa hande kuli mupuzo wa mutu yabeleka ka taata “ki mpo yezwa ku Mulimu.”—Muekelesia 3:13.
Mube ni Busepahali
“Lukolwa kuli lunani lizwalo lelisepahala, sina halubata kupila ka busepahali mwa lika kaufela.”—MAHEBERU 13:18.
Haiba lwasepahala, lukaikutwa kukutekeha, haluna kuba ni lipilaelo zeñata, mi lukalobalanga hande busihu. Kuzwa fo, babañwi baka lusepa ni kulukuteka. Batu babasa sepahali hababangi ni lika zende zeo. Hape mazwalo abona akona kubakataza, mi bakona kuba ni sabo yakuli babañwi bakaziba kuli habasepahali.
Mube ni Mubonelo Omunde ka za Masheleñi
“Mwa bupilo bwamina, musike mwaba ni lilato la masheleñi, inze mukolwa ka zemunani zona cwale.”—MAHEBERU 13:5.
Lutokwa masheleñi kuli luleke lico ni lika zeñwi zelutokwa. Nihakulicwalo, “lilato la masheleñi” limaswe hahulu. Mutu yalata hahulu masheleñi wakona kuitusisa nako yeñata ni maata kuli afumane masheleñi amañata. Bakeñisa kuli uikataza hahulu kuli afumane masheleñi amañata, haana kuswalisana hande ni mutu yanyalani niyena, haana kuba ni nako yelikani ya kuba ni bana bahae, mi mane wakona nihaiba kukula. (1 Timotea 6:9, 10) Hape mutu yalata hahulu masheleñi wakona kueza lika ka kusasepahala. Muuna yomuñwi ya butali naabulezi kuli: “Mutu yasepahala ukaamuhela limbuyoti zeñata, kono yaakufela kufuma haana kuzwelapili asina mulatu.”—Liproverbia 28:20.
Mukete Tuto Yende ka Kufitisisa
“Ubukeleze butali ni maata a kunahana.”—LIPROVERBIA 3:21.
Tuto yende ilutusa kuba batu babasepahala ni kuba bashemi babande. Kono kukena feela sikolo hakukoni kutahisa kuli lube ni lika kaufela zelutokwa ni kuba ni tabo. Haiba lubata kukondisa mwa lika kaufela zelueza, lutokwa tuto yelufiwa ki Mulimu. Mañolo abulela cwana ka za mutu yateeleza ku Mulimu kuli: “Zaeza kaufela likakonda.”—Samu 1:1-3.
Hape Mwendi Mwakona Kutabela Litaba Ze
TAWALA YA MULIBELELI
Mo lu Kona ku Ikolela ku Beleka ka Taata
Mu nyakisise linzila ze ñwi zeo ka zona Bibele i lu fa kelezo ye sebeza ya mwa ku fumanela tabo mwa musebezi wa luna.
MUZUHE!
Kana Mupatehile Hahulu?
Batu babañata kubabelanga taata kufumana hande nako ya kusebeza kwa mibeleko yabona ni kuba ni lubasi lwabona. Ki lika mañi zetahisanga butata bo? Mi ki lika mañi zekona kumitusa kutatulula butata bo?
MUZUHE!
Lika Zetahisa Tabo—Kukolwa ka Zelunani Zona ni Kufana
Batu babañata baanga kuli mutu ukona kuba ni tabo kamba kukondisa mwa bupilo haiba unani maluwo kamba sifumu. Kono kana masheleñi ni maluwo zakona kutahisa tabo yeinelela? Bupaki bubonisañi?
MUZUHE!
Lika ze Kona ku lu Tahiseza Tabo Mwa Bupilo
Kana luli butali bo bu mwa Bibele bwa kona ku mi tusa ku ba ni tabo mwa bupilo? Taba ye, i nyakisisa likuka zee ne za Bibele ze tusa luli.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
