En-en. Bandemona i “bamwikeulu bālongele bubi,” bipangwa bya imbidi ya mushipiditu byātombokēle Leza. (2 Petelo 2:4) Mwikeulu umbajinji kwialamuna bu ndemona i Satana Dyabola, obeta mu Bible bu “mulopwe wa bandemona.”—Mateo 12:24, 26.

Butomboki mu mafuku a Noa

 Bible unenanga myanda ya butomboki bwa bamwikeulu kumeso kwa Dilobe dya Noa amba: “Bāna ba Leza bana-balume bamwene’mba bāna bana-bakaji ba bantu i ba buya bwa dyangi, ino basonga bakaji muswidile mityima yabo.” (Ngalwilo 6:2) Bano bamwikeulu babi, bene bāelelwe panshi, ‘bāshile kīkalo kyabo kine kibafwaninwe’ mūlu, bāvwala imbidi ya bantu mwanda wa kulāla na bana-bakaji.—Yude 6.

 Dilobe pa kwiya, bamwikeulu bantomboki bāvūdile imbidi yabo ya bu muntu bājokela mūlu. Inoko Leza wēbafundwile mu kisaka kyandi. Mu mfuto ibapelwe mudi ne kukanda kobebakandile kuvwala monka imbidi ya bu muntu.—Efisesa 6:11, 12.