Bible ulombola’mba Leza kāpangilepo Dyabola. Ino Aye wāpangile muntu wāikele ke Dyabola. Bible unena pangala pa Leza amba: “Bilongwa byandi i bibwaninine, mwanda mashinda andi onso i moloke. Leza wa bubinebine wampikwa bukondame nansha patyetye; aye i moloke kadi moloke swā.” (Kupituluka mu Bijila 32:3-5) Kupityila ku bino binenwa, tubwanya kufula ku kunena’mba Satana Dyabola wādi kyaba kimo mubwaninine kadi moloke, mwana umo mu bana ba Leza ba kokwa kūlu.

 Yesu wānenene mu Yoano 8:44 amba, Dyabola “kāimanijepo mu bubine,” binenwa bilombola’mba kyaba kimo Satana wādi mu bubine kadi wampikwa mambo.

 Inoko, pamo bwa bipangwa bikwabo bya Yehova bya ñeni, mwikeulu wāikele ke Satana wādi na bwanapabo bwa kutonga kiyampe ne kibi. Byaātongele kutombokela Leza ne kulengeja ba mulume ne mukaji babajinji belunge kwadi, wēlongele aye mwine ke Satana, ko kunena’mba “Kinkwa.”—Ngalwilo 3:1-5; Kusokwelwa 12:9.