Ñimbo ya Mitōto 114:1-8
114 Isalela paatambile mu Edipito,+Njibo ya Yakoba yalupuka mu bantu besamba ludimi lungi,
2 Yuda waikele ke kipandulwe* kyandi,Isalela, ke bulopwe bwandi.+
3 Dijiba dyekimwene dyanyema;+Yodano wajoka.+
4 Ngulu yadi ikila pamo’nka bwa mikōko milume,+Mikuna nayo, pamo bwa twana twa mikōko.
5 A dijiba, i kika le kyakunyemeje?+
A Yodano, mwanda waka wajokele?+
6 A ngulu, i kika le kyomwakidile pamo bwa mikōko milume,Pamo bwa twana twa mikōko, a mikuna?
7 A ntanda, zakala pa mwanda wa Mfumwetu,Mwanda wa Leza wa Yakoba,+
8 Waalamuna dibwe ke kijiba kya mabungu,Dibwe dikomo ke masulo a mema.+
Kunshi kwa Dyani
^ Nansha’mba “kifuko kijila.”
