Ñimbo ya Mitōto 140:1-13
Kudi mukulu wa bañomba. Lwimbo lwa Davida.
140 A Yehova, nkūle ku bantu babi;Nkinge ku bantu ba lūma,+
2 Boba bakuta nkuku mibi mu mityima yabo+Ne boba bakolomona bulwi dyuba dyonso.
3 Banonanga ludimi lwabo pamo bwa lwa nyoka;+Bulembe bwa bampidi budi mu milomo yabo.+ (Sela)
4 A Yehova, nkinge ku makasa a mubi;+Ndame ku bantu ba lūma,Boba bakuta nkuku ya kumponeja.
5 Boba bezunzula abaumfi kidiba;Abatamuna bukonde na myonji kufula kwa kashinda.+
Abante makinga.+ (Sela)
6 Nanena Yehova amba: “Abe wi Leza wami.
A Yehova, ivwana kulomba konomba bukwashi.”+
7 A Yehova Mfumu Mwinē Lupusa Lonso, Umpandiji wami mukomokomo,Ubakinge mutwe wami mu difuku dya bulwi.+
8 A Yehova, kokapa babi byobasakasaka.
Kokaleka bitumba byabo byendeke, kutyina’mba bakezunzula.+ (Sela)
9 Mitwe ya boba banjokolokeleIpūtwe na bibi bīsamba milomo yabo.+
10 Makala a mudilo ebanokele.+
Belwe mu mudilo,Mu bīna* bilampe,+ mokebabwanyapo kwabuka.
11 Vubavuba kakimona kifuko pa ntanda.+
Bibi bilondelonde bantu ba lūma ne kwibepaya.
12 Ndyukile amba Yehova ukanenena mupēlulweNe kubingija balanda.+
13 Bine, boloke bakafwijanga’ko dijina dyobe;Boloke swā bakekalanga ku meso obe.+
Kunshi kwa Dyani
^ Nansha’mba “Mu bīna bya mema.”
