Ñimbo ya Mitōto 94:1-23
94 A Leza wa kinongo, Yehova,+A Leza wa kinongo, eñenya!
2 Imana, a Mutyibi wa ntanda.+
Lubwila ba kwizunzula kyokya kyobafwaninwe.+
3 I kufika ne kitatyi’ka, a Yehova,I kufika ne kitatyi’ka kikendelela kusepelela babi?+
4 Babotakanyanga ne kwisamba bya kibengo;Banonga-bibi bonso beanyanga.
5 Basonsakanya bantu bobe, a Yehova,+Kadi bamwesha malwa bupyani bobe.
6 Bepaya mukaji wa kishala ne mweni wa kibundi,Kadi bepaya ne bana bampikwa bashabo.
7 Kebanena’mba: “Yah kamwenepo;+Leza wa Yakoba katele’kopo mutyima.”+
8 Ivwanai kino, banwe kebalañangapo;Banwe balembakane, i kitatyi’ka kyomukekala na bujinguludi?+
9 Yewa mwine walongele* kutwi, le atunye kwivwana?
Yewa mwine wapungile diso, le atunye kumona?+
10 Yewa mwine ōlola mizo, le atunye kudingila?+
I Aye upanga bantu buyuki!+
11 Yehova uyukile milangwe ya bantu,Amba i umpuya wa bituputupu.+
12 Wa nsangaji i yewa muntu oolola, a Yah,+Yewa ofundija bijila byobe,+
13 Amba umupe mutyima-ntenke mu mafuku a kyamalwa,Kufika ne bikolwa kīna kya mubi.+
14 Mwanda Yehova kakelapo bantu bandi,+Nansha kuleka bupyani bwandi.+
15 Mwanda butyibi bukekala monka boloke,Kadi bonso boloke swā mu mutyima bakebulondanga.
16 Lelo i ani ukemana kundwila na babi?
Lelo i ani ukangitabila pa kulwa na banonga-bibi?
17 Shi Yehova kadipo mukwashi wami,Longa ami* kendi mufwe* kala.+
18 Ponanenene amba: “Kulu kwami kubashetemuka,”
Buswe bobe bwa ndamatyidile, abe Yehova, bwaunkweshe.+
19 Kuzumbazumba* pokwandēmenene,*Waunsengele ne kuntalaja.*+
20 Lelo lupona* lwa bubi lubwanya kupwana nobeAlo koku lukanina kuleta makambakano mu dijina dya bijila?*+
21 Batambanga moloke* bibibibi+Kadi batyibila wampikwa mambo nsambu ya lufu.*+
22 Ino Yehova ukekala kinyemeno kyami kya mutyima-ntenke,*Leza wami i dibwe dya kinyemeno kyami.+
23 Ukebalubwila bilongwa byabo bibi.+
Ukebafundula’ko* na bubi bwa abo bene.
Yehova Leza wetu ukebafundula’ko.*+
Kunshi kwa Dyani
^ Kishima pa kishima i, “washimikile.”
^ Kishima pa kishima i, “ke mushikate talala nyā.”
^ Nansha’mba “muya wami.”
^ Nansha’mba “Milangwe mivutakane.”
^ Nansha’mba “poyavudile munda mwami.”
^ Nansha’mba “Busengi bobe bwataleje muya wami.”
^ Nansha’mba “balopwe; batyibi.”
^ Nansha’mba “na lubila.”
^ Kishima pa kishima i, “Kadi mashi a wampikwa mambo beaponeja (bu mabi).
^ Nansha’mba “muya wa moloke.”
^ Nansha’mba “mutenta wami wa mutyima-ntenke.”
^ Kishima pa kishima i, “Ukebatalaja nyā.”
^ Kishima pa kishima i, “ukebatalaja nyā.”
