Isaya 63:1-19
63 Le i ani yewa utamba ku Edoma,+Utamba ku Bozala+ na bivwalwa bya musombelo weñenya,*Udi na kisandi kya buya bwa dyangi,Wenda na bukomo bwandi bukatampe?
“I ami , Mwine wisambanga mu boloke,Mwine udi na bukomo bukatampe bwa kupandija.”
2 Mwanda waka kisandi kyobe kityila,Kadi mwanda waka bivwalwa byobe bidi pamo bwa bya muntu uponda mu kyengelo kya vinyu?+
3 “Napondele mu luvwa lwa vinyu bunka bwami.
I kutupu muntu nansha umo wadi nami.
Nadi nebaponda na bulobo,Kadi nadi nebatyampakanya na bukalabale.+
Bivwalwa byami byalambakene mashi abo,Kadi nashingile biko ku bisandi byami byonso.
4 Mwanda difuku dya kinongo didi mu mutyima wami,+Kadi mwaka wa bakūlwe bami ubaiya.
5 Natadile, ino kekwadipo nansha umo ukwasha;Natulumukile pa kumona’mba i kutupu nansha umo wa kukwasha.
Penepo kuboko kwami kwandetela lupandilo,*+Kadi bukalabale bwami nabo bwankwasha.
6 Natyampakenye bantu na bulobo,Nebalengeja bakolwe bukalabale bwami+Kadi napungulwile mashi abo pa nshi.”
7 Nkanena bilongwa bya Yehova bya buswe bwa ndamatyidile,Bilongwa bya kutendelwa bya Yehova,Pa mwanda wa byobya byonso bitulongēle Yehova,+Bintu bivule bilumbuluke byalongēle njibo ya Isalela,Mwendele lusa lwandi ne buswe bwandi bwa ndamatyidile bukatampe.
8 Mwanda aye wanenene amba: “Bine, abo i bantu bami, bana kebakabulwepo lulamato.”*+
Penepo waikala Umpandiji wabo.+
9 Mu tusua twabo tonso, nandi wadi mu tusua.+
Kadi mukendi wandi* webapandije.+
Webakūdile mu buswe bwandi ne mu lusalusa lwandi,+Webatekwine ne kwibasela mafuku onso a kala.+
10 Ino abo batombokele+ ne kufītyija mushipiditu wandi ujila mutyima.+
Penepo nandi waalamuka ke walwana nabo,+Walwa nabo.+
11 Kadi bavulukile mafuku a kala,Mafuku a Mosesa mwingidi wandi amba:
“Le Yewa webabwile pa dijiba+ na bakumbi ba luombe lwandi udi kwepi?+
Le Yewa watūdile mushipiditu Wandi ujila mwadi udi kwepi,+
12 Yewa waendeje kuboko Kwandi kwa ntumbo na kuboko kwa lundyo kwa Mosesa,+Yewa wakalañenye mema ku meso abo+Mwanda wa kwilongela dijina dya nyeke,+
13 Yewa webapityije pa mema atūta,*Amba bende kwampikwa kukukala,Pamo bwa kabalwe mu ntanda?*
14 Monka mutūkilanga bimunanwa mu dilungu dya musanza,Mushipiditu wa Yehova webalengeje bakōkolokwe.”+
O muswelo owaendeje bantu bobe,Amba wilongele dijina dikatakata.*+
15 Tala panshi abe mūlu umoneTamba ku kīkalo kyobe kizunzulwe kya buujila ne ntumbo.*
Le bupyasakane bobe ne bukomokomo bobe bidi kwepi,Kukolomonwa kwa kanye kobe*+ ne lusa lobe?+
Kebiilepo kondi.
16 Mwanda abe wi Tata wetu;+Nansha shi Abalahama ketuyukilepoKadi nansha shi Isalela ketujingulwilepo,Abe, a Yehova, wi Tata wetu.
Mukūdi wetu wa tamba kala dyo dyobe dijina.+
17 A Yehova, mwanda waka ubetuleka* tulumbakane panja pa mashinda obe?
Mwanda waka ubaleka* mityima yetu yūme, ketukomenwa ne kukutyina?+
Joka, pa mwanda wa bengidi bobe,Bisaka bya bupyani bobe.+
18 Bantu bobe bajila bayete’yo kitatyi kityetye.
Bakinkwa netu batyampile kipandulwe kyobe.+
19 Tubaikala kitatyi kilampe pamo bwa bantu bokwabikele kashā,Pamo bwa bantu kebaityīlwe kashā pa dijina dyobe.
Kunshi kwa Dyani
^ Bibwanika padi i, “bityila bisabuke.”
^ Nansha’mba “bushindañani.”
^ Nansha’mba “kebakekalapo ba bubela.”
^ Nansha’mba “mwikeulu wa mu kifuko kyandi.”
^ Nansha’mba “mema a mushike.”
^ Nansha’mba “mu ntanda mutuputupu?”
^ Nansha’mba “dilumbuluke.”
^ Nansha’mba “buya.”
^ Kishima pa kishima i, “Kujinakana kwa bipindi byobe bya munda.”
^ Nansha’mba “ubetulengeja.”
^ Kishima pa kishima i, “ubalengeja.”
