Mika 5:1-15
5 “Pano yao witapatapa bilonda,Abe mwana mwana-mukaji obatamba’dyo;Twi batēkelwe kasāla.+
Bakupilanga mutyibi wa Isalela lusonde ku ditama.+
2 Ne abewa, a Betelema Efalata,+Abe mutyetye bininge mu tununu twa* Yuda,Mudi abe mukatamba yewa wa kungikadila bu mulopwe mu Isalela,+Ngalwilo yandi i ya tamba bitatyi bya kala, tamba mafuku a pa kala.
3 O mwanda ukebalekaKufika ne bibutula yewa wa kubutula.
Kadi banababo bashele’ko bakajokela ku bantu ba Isalela.
4 Ukemana ne kukumba na bukomo bwa Yehova,+Na bukatakata bwa dijina dya Yehova Leza wandi.
Kadi bakekala na mutyima-ntenke,+Mwanda pano bukatampe bwandi bukafika ne ku mafulo a ntanda.+
5 Kadi ukaletanga ndoe.+
Shi mwine Ashidia akatambe yetu ntanda ne kutyampa biteba byetu bikomejibwe,+Tukamwimikila bakumbi basamba-babidi, bine, bamfumu* mwānda ba bantu.
6 Bakakumba ntanda ya Ashidia na kipete,+Ne ntanda ya Nimiloda+ pa bibelo byayo.
Uketukūla ku mwine Ashidia,+Pakatamba yetu ntanda ne kutyampa kipindi kyetu kya ntanda.
7 Bashele’ko ba Yakoba bakekala mu bukata mwa bantu bavulePamo bwa lumé lutamba kudi Yehova,Pamo bwa minoko ya mvula pa munamuna,Kebikulupilepo muntuNansha kukungila bana ba bantu.
8 Bashele’ko ba Yakoba bakekala mu mizo,Mu bukata mwa bantu bavule,Pamo bwa ntambo mu banyema ba ditó,Pamo bwa ntambo mwana* mu luombe lwa mikōko,Upita’mo ne kufyutukila ne kusasamuna bisesobiseso;Kadi i kutupu nansha umo wa kwibakūla.
9 Kuboko kobe kukatululwa peulu pa bakinkwa nobe,Kadi balwana nobe bonso bakonakanibwa.”
10 “Mu dyodya difuku,” i Yehova unena,“Nkafundula tubalwe tobe mu bukata mobe ne konakanya makalo obe.
11 Nkonakanya bibundi bya mu yobe ntandaNe kupomona bifuko byobe bikomejibwe.
12 Nkafudija butyi bobe boloañana,*Kadi i kutupu nansha umo ulonga bya maleñanya ukashala mu bukata mobe.+
13 Nkonakanya bankishi bobe basōnge ne bikomo byobe mu bukata mobe,Kukevukwilapo monka ku mingilo ya makasa obe.+
14 Nkajula byobe bipanda bikola*+ mu bukata mobeNe kutukija fututu bibundi byobe.
15 Nkalubula kinongo na bulobo ne bukalabalePa mizo keikōkelepo.”
Kunshi kwa Dyani
^ Nansha’mba “bisaka bya.”
^ Nansha’mba “batangidiji.”
^ Nansha’mba “ntambo mwana wa manyenze.”
^ Kishima pa kishima i, “ku kuboko kobe.”
^ Tala Nshintulwilo ya Bishima.
