Yoba 12:1-25
12 Penepo Yoba walondolola kanena’mba:
2 Bine banwe’ko mwi bantu bayukile,*Kadi tunangu tukafwanga pamo nenu!
3 Inoko ami nami ngidi na ñeni.*
Kemumpityilepo.
Le i ani kayukilepo bino bintu?
4 Kendi wa kusepibwa na bakwetu,+Muntu wita Leza amulondolole.+
Muntu moloke kadi wampikwa kutopekwa i wa kusepibwa.
5 Muntu wampikwa malangalanga ufutulula kyamalwa,Ulanga’mba i enka kya boba ba maulu atelententa.*
6 Mapema a bangivi adi mu ndoe,+Kadi boba bakolomona Leza badi na mutyima-ntenke,+Boba badi na leza wabo mu makasa abo.
7 Inoko, ipangula’po bidi banyema, nabo bakakulombola;Ne byoni bya mūlu, nabyo bikakusapwila.
8 Ne kadi tá ntanda mutyima,* nayo ikakulombola,Ne mwita wa mu dijiba ukakusapwila’kyo.
9 Le i ani pa bano’ba kayukilepoAmba kuboko kwa Yehova ko kwalongele’kyo?
10 Mu kuboko kwandi mo mudi būmi bwa kintu kyonso kyūmi*Ne mushipiditu* wa muntu* ense.+
11 Lelo kutwi kekutompangapo binenwaNa mutompelanga ludimi* byakudya?+
12 Le tunangu ketudipo ku batame,+Ne ñeni le keiyangapo pamo na būmi bulampe?
13 Kwadi ko kudi tunangu ne bukomokomo;+Udi na madingi ne ñeni.+
14 Shi aye wapomona kintu, kekibwanyapo kūbakululwa;+Kyokya kyashityile, i kutupu muntu ubwanya kushitula.
15 Shi wakoke mema, bintu byonso byauma tē;+Shi weatume, alobeja ntanda.+
16 Kwadi ko kudi bukomo ne tunangu twa kamweno;+Yewa uluba ne yewa ulubija i bandi;
17 Wendejanga badingidi ku maulu pululu,*Kadi walamunanga batyibi ke balembakane.+
18 Ukutululanga bijimba bikutyile balopwe,+Kadi ukutanga mukaba mu kifuka.
19 Wendejanga babitobo ku maulu pululu,+Kadi ubikulanga boba bakomejibwe pototo mu lupusa;+
20 Usuminwanga badingidi bakulupilwe binenwaKadi uyatanga banunu* lūku;
21 Upungululanga kafutululo pa ba bulēme,+Kadi uzozejanga ba bukomo;*
22 Usokolanga bintu bya mushike mu fukutu,+Kadi uselelanga fukutu mikatampe ku kitōkeji;
23 Ubaijanga mizo bininge mwanda wa kwiyonakanya;Ubaijanga mizo, amba eiseleje bu misungi.
24 Utalulanga ñeni* ya batangidiji ba bantuKadi wibalumbakanyanga mu ntanda mutuputupu mwa kubulwa mashinda.+
25 Bafufukutanga mu fukutu+ mwampikwa kitōkeji;Wibalumbakanyanga pamo bwa bantu bakolwe.+
Kunshi kwa Dyani
^ Kishima pa kishima i, “mwi bantu.”
^ Kishima pa kishima i, “mutyima.”
^ Nansha’mba “ashetemuka.”
^ Bibwanika padi i, “nena.”
^ Nansha’mba “muya wa muntu ense mūmi.”
^ Nansha’mba “umpuya.”
^ Kishima pa kishima i, “wa ngitu yonso ya muntu.”
^ Kishima pa kishima i, “kilango.”
^ Nansha’mba “bavūlwe bintu byonso.”
^ Nansha’mba “bakulumpe.”
^ Kishima pa kishima i, “ukutululanga mukaba wa ba bukomo.”
^ Kishima pa kishima i, “mutyima.”
