Le Mbwanya Pano?
Le Mbwanya Pano Kusapula na Kipwilo?
Pa kwikala musapudi wampikwa kubatyijibwa ufwaninwe . . .
Kwifunda Bible kyaba ne kyaba, kulombela, ne kutanwa ku kupwila.
Kusangela byobya byowifunda ne kwibitabija, kadi kimba mikenga ya kusapwila’byo bakwabo.
Kusanswa Yehova ne kutonga balunda mu boba bamusenswe.
Kubudija dijina dyobe mu kitango kyo-kyonso kya politike nansha kya kipwilo kya bubela.
Kwiendeja mungya misoñanya ya Yehova ne kwitabija kwikala Kamoni wa Yehova.
Shi pano umona bu ubwanya kusapula na kipwilo, yewa ukufundija Bible ukakwata’ko mpangiko amba mwimone na bakulumpe batale shi ubwenye bisakibwa.
Le Mbwanya Pano Kubatyijibwa?
Pa kubatyijibwa ufwaninwe . . .
Kwikala musapudi wampikwa kubatyijibwa.
Kutambila kyaba ne kyaba mu mwingilo wa busapudi ponso pobwaninya.
Kukwatakanya ne kulonda bulombodi butamba kudi “umpika mukōkele ne mudyumuke.”—Mateo 24:45-47.
Kwipāna abe mwine kudi Yehova mu milombelo ne kusaka kumwingidila nyeke.
Shi pano umona bu ubwanya kubatyijibwa, yewa ukufundija Bible ukakwata’ko mpangiko amba mwimone na bakulumpe batale shi ubwenye bisakibwa.
