Shi tukimba kusangaja Yehova, tufwaninwe kuteja ne muntu mukwabo wa mvubu. Kumeso kwa kupanga Adama, Yehova wāpangile muntu mukomo wa ku mushipiditu momwa mūlu.

Mwenda mafuku, Yehova wātumine uno muntu abutwilwe mu Betelema na Madia, mwana-mukaji mujike. Uno mwana wāinikilwe bu Yesu.—Yoano 6:38.

Yesu paādi pano panshi, wāmwekeje potō ngikadilo ya Leza. Wādi na kanye, buswe, ne ulumbwa. Wāfundije bakwabo bubinebine butala padi Yehova kwakubulwa moyo.

Kadi Yesu wābelwile misongo ne kusangula bantu bamo bafwe.

Bendeji ba bipwilo bādi bashikilwe Yesu mwanda wādi usokwela patōka bufundiji bwabo bwa bubela ne bilongwa byabo bibi.

Bendeji ba bipwilo bāsoñenye Bene Loma bakupile Yesu ne kumwipaya.