Malondololo ku Bipangujo Bimanine pa Bible
Le bana babwanya kwifunda kuswa Leza namani?
Ingidija bupangi pa kukwasha bobe bana bayuke Leza ne kumusanswa
Bobe bana babwanya kwifunda kuswa Leza enka shi bajingulwile amba udi’ko ne wibaswele. Pa kuswa Leza, bafwaninwe bidi kumuyuka. (1 Yoano 4:8) Kimfwa, bafwaninwe kuyuka: Le Leza wādi usaka bika pa kupanga bantu? Mwanda waka Leza ulekele’ko masusu? I bika bikalongela Leza bantu kumeso?—Tanga Fidipai 1:9.
Pa kukwasha bana bobe basanswe Leza, ufwaninwe kulombola amba abe bidi umuswele. Shi abamone nankyo, nabo bakapēlelwa kukwiula.—Tanga Kupituluka 6:5-7; Nkindi 22:6.
Le ukatenga namani mityima ya bobe bana?
Kinenwa kya Leza kidi na bukomo. (Bahebelu 4:12) O mwanda fundija boba bana bufundiji bwa kyalwilo. Yesu pa kutenga mityima ya bantu, wādi wipangula bipangujo, uteja, ne kushintulula Bisonekwa. Pa kutenga mityima ya bobe bana, iula mufundijijo wa Yesu.—Tanga Luka 24:15-19, 27, 32.
Kadi, nsekununi ya mu Bible ya mwādi mwikadile Leza na bantu ikokeja kufundija bana bayuke Leza ne kumusanswa. Mabuku akwasha mu uno mwanda adi pa www.mr1310.com.—Tanga 2 Temote 3:16.
Tala'po Bidi ne Bino:
BANA
Ikala Mulunda na Yehova
Ano mavideo a bifwatulo bijina, ñimbo, ne madevwala atampwa bikwashanga bana befunde myanda ya mvubu ya mwa kusangeja Leza.
KITEBA KYA MULAMI
Muswelo wa Kufundija Bana Myanda ya Leza—Mufundijijo Muyampe I Wepi?
DIBUKU DYAMI DYA MĀNGA YA MU BIBLE
Dibuku Dyami dya Mānga ya mu Bible—Ntwelelo
I mānga ya bine ya mu dibuku dikatampe kupita onso, ke Bible kadi. Isekununa mānga ya ntanda tamba ku bupangi.
MABUKU & MABOLOSHILE
