Tuarte tua miaba ya mu Bible
Mu broshire wa “Voyez le bon pays” mudi tuarte tua miaba ya mu Bible tuudi mua kutangila bua kulengeja didilongela diebe dia Bible. Bible mmuwule tente ne malu a bungi adibu baledile adi atangila miaba, bimenga, ne matunga. Dikonkonona tuarte tua miaba ya mu Bible didi mua kukuambuluisha bua dibala diebe dia Bible ne didilongela diebe dikusankishe bikole. Broshire wa “Voyez le bon pays” neakuambuluishe bua kumona mu lungenyi miaba ivua malu adibu balonde mu Bible menzeke ne kuyimanya. Neakuambuluishe kabidi bua kumvua bimpe muvua malu a miaba mikale ne buenzeji pa mianda ya mu Bible.
Broshire wa “Voyez le bon pays” mmuwule tente ne tuarte ne tablo ya mekala ya miaba mishilangane ya mu Bible. Mu tuarte tua miaba ya mu Bible etu mudi kabidi bifundu, bimfuanyi bia bintu bilelela, ne bintu bikuabu bia bungi bia kulengeja nabi didilongela diebe.
Tuarte tua miaba ya mu Bible etu netukuambuluishe bua:
kumanya luendu luvua Abalahama, Izaka, ne Yakoba benze
kumona njila uvua bena Isalele bayile pavuabu bumbuke mu Ejipitu baye mu Buloba Bulaya
kumona muaba uvua Isalele ne uvua bena lukuna babu
kumona miaba ivua Yezu mupitshile mu mudimu wende wa diyisha
kumvua bimpe bunene bua makalenge adibu batele mu Bible, bu mudi Babilona, Grèce, ne Lomo
Udi mua kubadila tuarte tua miaba ya mu Bible etu ku Enternete kuyi ufuta mu Mfualansa mu BIBLIOTHÈQUE EN LIGNE Watchtower.
Mona bikuabu:
BINTU BIA KULONGA NABI BIBLE
Mvese wa ku dituku
Kakanda ka Tukonkononayi Mifundu dituku dionso kadi katuambuluisha bua kumanya mvese wa mu Bible wa dituku dionso ne diumvuija diende.
BINTU BIA KULONGA NABI BIBLE
Nkonga-mianda wa malu a mu Bible
Mu Étude perspicace des Écritures mudi biena-bualu binunu ne binunu bia kubuelela bidibu bumvuije mu buondoke bu mudi bantu, miaba, bikunyibua, nyama, mianda ya mushinga, ne biambilu bia mu Bible bia mu ngumvuilu ya mu tshimfuanyi. Udi mua kuambula nkonga-mianda eu. Muomu amu mudi tuarte, bimfuanyi, ne indekse wa biena-bualu ne mvese.
BINTU BIA KULONGA NABI BIBLE
Tshikepeshilu tshia malu a mu Bible
Broshire wa La Bible: quel est son message? udi ufila tshikepeshilu tshia Bible mujima tshidi tshilenga ku muoyo bikole ne bualu bunene bumuepele budibu bakuilamu.