TABULUKAYI! No 2 2020 | Nkonko 5 idi itangila makenga ne mandamuna ayi
Mu mushindu kampanda, bantu bonso batu batuilangana ne ntatu mikole, pamuapa idi mua kuikala ya disama, dipetangana ne njiwu, bipupu anyi malu a tshikisu.
Bantu batu bakeba mandamuna.
Bamue batu bamba ne: makenga adi afumina kudi makole kampanda adi matupite, eku bakuabu ne: katuena ne bukokeshi pa malu adi atufikila to.
Banga pabu badi bamba ne: tudi tukenga bua bualu bubi kampanda butuvua benze ku kale anyi patutshivua bana.
Misangu ya bungi, patu bantu mu ntatu mikole batu badiela nkonko mivule, kadi kabatu bakeba mandamuna ayi to.
Tshidi bamue bamba
Mona tshidi bitendelelu biamba bua malu adi akebesha makenga.
1 Nzambi ke utudi mua kuela tshilumbu pambidi bua makenga etu anyi?
Mbashime bantu ne malongesha a mafi adi atangila Nzambi. Bulelela budi penyi?
2 Tudi mua kudiela tshilumbu pambidi bua makenga etu anyi?
Diandamuna diodi ne: eyowa, nunku tudi mua kukokesha bua kukepesha makenga etu.
3 Bua tshinyi bantu bimpe batu bakenga?
Bible udi utuambuluisha bua kumvua diandamuna edi bimpe.
4 Bavua batufuke bua tuikale tukenga anyi?
Nzambi uvua mufuke bintu bilenga nunku pa buloba, uvuaku mua kujinga bua tuikale tukenga anyi? Biobi kabiyi nanku, ntshinyi tshivua tshienzeke?
5 Makenga neajikaku anyi?
Bible udi utuambila bimpe muikala Nzambi mua kujikija makenga.
Udi mua kupeta diambuluisha
Nansha ntatu yetu imuenaka bu idi kayiyi mua kujika, kudi mibelu mimpe idi mua kutuambuluisha.
