“Bukalenge buebe bulue”: Disambila ditu bantu miliyo ne miliyo bambulula
Ukadiku musambile bua Bukalenge bua Nzambi bulue anyi? Munkatshi mua nkama ya bidimu, bantu miliyo ne miliyo mbambulule mêyi a ne: “Bukalenge buebe bulue.” Bua tshinyi batu bambulula mêyi aa? Bualu Yezu wakambila bayidi bende bua kusambila bua Bukalenge bua Nzambi bulue.
Kumpala bayidi ba Yezu kabavua bumvue malu onso avuaye muambe bua Bukalenge abu to. Musangu mukuabu bakamuebeja ne: “Mukalenge, udi upingajila Isalele bukalenge tshikondo etshi anyi?” Pamuapa bakakema pavua Yezu kayi mubandamune buludiludi. (Bienzedi 1:6, 7) Mbuena kuamba ne: katuakumanya tshidi Bukalenge bua Nzambi bumvuija ne dîba dialuabu anyi? Kabiena nanku to!
Tshibumba tshia Nsentedi etshi netshikuambuluishe bua kupeta mandamuna a nkonko idi ilonda eyi:
Bua tshinyi tudi dijinga ne Bukalenge bua Nzambi?
Nnganyi udi Mukalenge wa Bukalenge bua Nzambi?
Nebutuadije kukokesha buloba dîba kayi?
Bukalenge bua Nzambi nebuenze malu kayi?
Bua tshinyi kusungula bua kutua Bukalenge bua Nzambi mpanda lelu?
Bukalenge bua Nzambi ntshinyi?
Mona bikuabu:
TSHIBUMBA TSHIA NSENTEDI
Bua tshinyi kusambila bua Bukalenge bua Nzambi bulue?
Ntshinyi tshikala Bukalenge bua Nzambi mua kuenza tshidi mbulamatadi wa bantu kayi mua kuenza?
MALONGESHA A MU BIBLE A NSHINDAMENU
Bukalenge bua Nzambi ntshinyi?
Pavua Yezu uyisha, uvua ulongesha bantu bua Bukalenge bua Nzambi kupita malu makuabu onso. Munkatshi mua nkama ya bidimu, bayidi bende mbasambile bua Bukalenge abu kulua
