Kumpala kua Yezu Kristo kupinganaye mu diulu mu tshidimu tshia 33 bikondo bietu ebi, wakalaya ne: neapingane. Uvua mudifuanyikije ne muntu munene uvua muenze luendu lule lua matuku a bungi ne upingana ne bukole bua kukokesha bu mukalenge. Dipingana dia Yezu didi ne tshipatshila tshia kulombola bantu mu mushindu muimpe.​—Bala Luka 19:11, 12.

Kristo neapingane ne mubidi kayi? Uvua mubishibue ku lufu ne mubidi wa nyuma. (1 Petelo 3:18) Pashishe wakabanda mu diulu ne kusomba ku dia balume dia Nzambi. (Musambu 110:1) Pashishe, Yezu wakaya kumpala kua Yehowa Nzambi, “Wa kale wa Matuku a Bungi” wakapesha Yezu bukokesha bua kukokesha bantu. Nunku, Yezu kakupingana bu muntu wa mashi ne mâyi kadi bu Mukalenge udi kayi umueneka.​—Bala Danyele 7:13, 14.

Padi Yezu ulua ne banjelu bende kabayi bamueneka, nealumbuluishe bantu. Neabutule benji ba malu mabi, kadi neapeshe bantu badi bamuitaba bu Mukalenge muoyo wa kashidi.​—Bala Matayi 25:31-33, 46.

Pakokesha Yezu bu Mukalenge, neakudimune buloba mparadizu. Neabishe bantu ku lufu bua bikala ne nsombelu wa disanka mu mparadizu pa buloba apa.​—Bala Luka 23:42, 43.