Anu mukavua Yeshaya mumanyishe, tudi tumona didiunda ditu katshia kadiyi dianji kuenzeka mu tshitupa tshia bulongolodi bua Yehowa tshidi pa buloba. (Yes 54:2) Didiunda edi didilomba kuibaka nzubu mipiamipia ya Bukalenge, Nzubu ya Mpuilu ne nzubu ya Betele. Bobu bamane kuyibaka, bidi bikengela kuyilongolola ne kuakajilula imue yakudiyi. Nzubu eyi idi itupetesha mpunga kayi utudi mua kupesha Yehowa dîba dietu ne makanda etu? Mmushindu kayi udi mudimu wa luibaku eu, utupetesha mpunga wa kupesha Yehowa dîba dietu ne makanda etu?

• Tudi mua kuambuluisha padibu balomba kasumbu ketu ka buambi bua kusukula Nzubu wa Bukalenge

• Tudi mua kudifila ku budisuile bua batulongeshe mua kulama Nzubu wetu wa Bukalenge

• Tudi mua kuwuja formilere wa Demande d’admission comme volontaire local développement/​construction (DC-50) bua kuikala kuambuluisha imue misangu mu dibaka ne dilama dia nzubu yetu eyi idi pabuipi ne muaba utudi basombele

• Tudi mua kuwuja formilere wa Demande d’admission comme volontaire (A-19) ne kudifila ku budisuile bua kuambuluisha munkatshi mua lumingu lujima anyi kupite apu mu teritware wa filiale wetu

NUTANGILE KATUPA KA FILME WA DIDILONGOLOLA BUA KUIBAKA MUABA MUPIAMUPIA, PASHISHE NUANDAMUNE NKONKO IDI ILONDA EYI:

• Ndidiunda kayi dia dikema ditudi tumona mu dienza dia filme katshia ku 2014?

• Bua kutupatuila filme itudi nayi dijinga bua ntendelelu wetu, mmudimu kayi udibu balongolole? Newangate matuku bungi kayi?

• Mmunyi mudi badisuile mua kuambuluisha mu mudimu eu?

• Wewe musue kuambuluisha mu luibaku lua ku Ramapo, bua tshinyi udi ne bua kuwuja formilere (DC-50) ne kuambuluisha mu Tshibambalu tshia malu a luibaku (LDC) tshidi pabuipi ne muaba uudi musombele?

• Mmalu kayi adi ajadika ne: Yehowa ke udi ulombola mudimu eu?

• Mmunyi mutudi mua kutua mudimu eu mpanda nansha tuetu katuyi ne mushindu wa kuambuluisha mu luibaku?