Bantu mbedibue mâyi ku makasa padi bantu badibu beyemena babela mâyi ku makasa. Bantu ba bungi kabatshiena beyemena . . .

•   bamfumu ba tshididi badi bateka majinga abu kumpala kua a bantu.

•   bantu badi kabayi bafila ngumu bimpe ne idi kayiyi mijalame.

•   bena mamanya a bia panu badi kabayi benzela bantu malu mimpe.

•   bamfumu ba bitendelelu badi badiine ne kasuki mu malu a tshididi pamutu pa kuikala baleji mpala ba Nzambi.

 Ki mbibi bua bantu kuikala ne budimu bua bantu badibu ne bua kueyemena to. Bible udi utudimuija ne:

•   “Kanutekemenyi kudi baludiki ba matunga, badi amu bantu, kabena mua kunupandisha.”​—Misambu 146:3, Mukanda wa Mvidi Mukulu. (Mishonyi)

  Bible udi uleja ne: Yezu Kristo ke muntu uudi ne bua kueyemena. Kavua anu muntu muimpe uvua ne muoyo kukadi bidimu nkama ya bungi to. Nzambi mmusungule Yezu bua ‘kukokesha bu Mukalenge . . . , Bukalenge buende kabuakuikala ne ndekelu to.’ (Luka 1:32, 33) Yezu ke Mukalenge wa bukalenge bua Nzambi, mbulamatadi udi ukokesha mpindieu mu diulu.​—Matayi 6:10.

•   Bua kumanya bua tshinyi udi ne bua kueyemena Yezu, bala tshiena-bualu tshia “Nnganyi udi Mukalenge wa Bukalenge bua Nzambi?” ne tshia “Bukalenge bua Nzambi nebuenze malu kayi?”