Dwoko Penjo mag Muma
DWOKO PENJO MAG MUMA
Be ng’ato nyalo winjo tiend weche manie Muma?
Muma en Wach Nyasaye. Ochalo gi barua mowuok kuom wuoro ma jahera. (2 Timotheo 3:16) Muma lero gima wanyalo timo mondo wamor Nyasaye, gimomiyo Nyasaye oweyo mondo chandruok obedie, koda gima obiro timo ne dhano e kinde mabiro. Kata kamano, jopuonj mag din osegajo puonj mag Muma; kendo mano osemiyo chuny ji mang’eny osea kuom puonjore Muma ka gineno ni ok ginyal winjo tiende.—Tich Joote 20:29, 30.
Jehova Nyasaye dwaro ni wang’e adiera e wiye. Mano e ma omiyo ochiwonwa buk ma wanyalo winjo tiende.—Som 1 Timotheo 2:3, 4.
Ang’o minyalo timo mondo iwinj tiend Muma?
E wi chiwonwa Muma, Jehova miyowa gik makonyowa winjo tiend Muma. Ne ooro Yesu mondo opuonjwa. (Luka 4:16-21) Yesu ne okonyo jowinjone ng’eyo tiend Ndiko kuom hulo ndiko mopogore opogore.—Som Luka 24:27, 32, 45.
Yesu ne ochako kanyakla mar Jokristo mondo tich ma ne osechako odhi nyime. (Mathayo 28:19, 20) E kindegi, jolup madier mag Yesu konyo ji ng’eyo gima Muma puonjo e wi Nyasaye. Kapo ni diher ng’eyo tiend Muma, Joneno mag Jehova biro mor ahinya konyi.—Som Tich Joote 8:30, 31.
Samoro Inyalo Hero Magi Bende
OHINGA MAR JARITO
Ng’ano ma Nyalo Konyi Winjo Tiend Weche Manie Muma?
Kapo ni nondik Muma e yo ma winjore maler, ang’o momiyo dwarore ni okonyi winjo tiende?
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
SPECIAL CAMPAIGN
Ang’o Momiyo Onego Ipuonjri Muma?—Vidio Duto
Muma osekonyi ji tara gi tara e yudo dwoko mag penjo ma machando pach ji e pinyni. Be diher ni in be Muma okonyi?
