Eric: Daher nyisi ni ok ahero weche din ahinya. Omiyo, ok apar ni nitie mbaka mwanyalo goyo kodi.

Brian: Erokamano kuom nyisa mano. To pok wang’ere kata, an iluonga ni Brian. To in?

Eric: An nyinga Eric.

Brian: Amor ng’eyi.

Eric: An be.

Brian: To apenjie, be ne ipon e ot ma ji ne oheroe weche mag din?

Eric: Ee. Kata kamano, ka ne abiro e kolej, ne awera gi weche din.

Brian: Ooo. Gin ang’o gini ma ne ipuonjori e kolej?

Eric: Achiel kuom gik ma ne apuonjora ne en gik ma ne otimore chon. Ahero nono gik ma dhano osebedo ka timo e piny chakre ndalo machon.

Brian: Ji ohero nono gik ma notimore chon. Muma bende en buk ma wuoyo kuom gik ma kamago. Be isegatiyo gi Muma bende e timo nonro mag gik machon?

Eric: Ooyo. Ang’eyo ni Muma en buk maber, kata kamano, pok naparo ni Muma nyalo konya ng’eyo weche machon.

Brian: Nenore ni in ng’at ma nigi paro makare. Ka in gi thuolo matin, daher nyisi mana matin kaka Muma en buk ma wacho adier e wi gik ma notimore chon.

Eric: Onge wach. En mana ni aonge Muma.

Brian: Kik idew. Wanyalo tiyo gi marani. Ranyisi mokwongo yudore e 1 Weche mag Ndalo sula mar 29, kwan matindo 26 kod 27. Owacho kama: “Kendo Daudi wuod Jesse nobedo gi loch kuom Israel duto. Kendo kindeno ma nobedo gi loch kuom Israel ne higini piero ang’wen; higini abiriyo nolocho e Hebron, kendo higini piero adek gadek nolocho e Jerusalem.”

Eric: Ere kaka wechego nyiso ni Muma wacho adier e wi gik ma notimore chon?

Brian: Nitie jomoko ma ne kwedo ni onge ruoth ma ne osegabedoe miluongo ni Daudi.

Eric: Adier? Ang’o momiyo ne giparo kamano?

Brian: En nikech ne onge weche mamoko mopogore gi Muma, ma ne nyiso ni Daudi ne nitie adier. Kata kamano, e higa mar 1993, grup moro mar joma kunyo gik machon noyudo kidi moro machon ma ne ondikie weche ma kolok to somore ni “Od Daudi.”

Eric: Pok nang’eyo mano.

Brian: Ng’at machielo ma bende jomoko ne wacho ni pok nobedoe en Pontio Pilato, gavana ma ne locho e ndalo Yesu. Iwuoyo kuome e ndiko mar Luka sula mar 3, kwan matindo 1 kaachiel gi jotelo mamoko modhuro ma kindego.

Eric: Ee, aneno. Kae wacho ni: “Kane Pontio Pilato en gavana mar Judea, to Herode ne en jaloch mar Galili.”

Brian: Ee, en kamano. Kuom higni mang’eny, josomo moko ne kwedo ka be Pontio Pilato ne en  ng’at mantie adier. Kae to bang’e, higni ma dirom 50 kama mosekalo, ne oyud kidi moro ma ondikie nying Pilato e pinje mag Jo-Arab.

Eric: Pok ne awinjo weche ma kamago.

Brian: Amor yudo thuolo mar leroni wechego.

Eric: Kawacho awacha adier, asebedo ka amiyo Muma luor mana kaka buge mamoko, to pok ne aparoga ni oting’o weche ma nyalo konyo e ndalowagi. Nyaka bed ni oting’o weche madier e wi gik ma notimore chon, to ok apar ni onyalo konyo ng’ato.

Brian: Ji mang’eny nyalo yie gi wechego. Kata kamano, anto an-gi paro mopogore. Gimomiyo awacho kamano en nikech gik mochuno ma dhano dwaro e ngima pok olokore a chakruok. Kuom ranyisi, kinde duto wadwaro chiemo, lewni, kod kar dak. Bende, wahero tudore gi jomamoko kendo dwaher bedo gi mor kod kuwe kaka joot. Donge en adier ni waduto wageno gik ma kamago?

Eric: Ee, mano to adier.

Brian: Muma nyalo konyowa e yorego duto. Mano e momiyo wanyalo wacho ni Muma en buk machon to weche manie iye konyo nyaka e kindegi.

Eric: Itemo wacho ang’o?

Brian: We akete e yo machielo: Muma oting’o puonj ma nyalo konyowa e kindegi, mana kaka ne gikonyo e kinde ma ne ondikgie, higni mang’eny mosekalo.

Eric: Adier. Okonyo e yore mage?

Brian: Puonj mag Muma konyowa bedo gi paro mowinjore kuom wach pesa, ngima mar joot, kata kuom wach bedo osiep maber. Muma en kaka map ma nyalo konyo ng’ato ng’eyo kama odhiyoe. Donge inyalo yie ni bedo dichwo maber kata wi ot maber ok en ting’ mayot?

Eric: Ee, anyalo yie kodi kuom wachno. Sani en higa achiel nyaka ne wakendre gi jaoda, to e ma pod wayudo ka ok yotnwa winjore e weche moko.

Brian: Bedoga kamano. To Muma oting’o puonj ma nyalo tiyo. Kuom ranyisi, ne ane gima Jo-Efeso sula mar 5 wacho. Wasom ane kwan matindo 22, 23, kod 28. Donge inyalo somo ndikogo?

Eric: Onge wach. Owacho kama: “Mon mondo oyie bolore e bwo chwogi kaka gitimo ne Ruodhwa, nimar dichwo en wi chiege mana kaka Kristo en wi kanyakla, ma en ringrene kendo en e jawarne.” Kae to kwan matindo 28 wacho kama: “E yo ma kamano, chwo onego oher mondegi kaka gihero ringregi giwegi. Ng’at mohero chiege oherore owuon.”

Brian: Erokamano kuom somo. Donge en adier ni ka dichwo gi dhako mokendore tiyo gi puonjno, to ngimagi nyalo medo bedo maber moloyo?

Eric: Ee, aparo kamano. En mana ni wache to yot, time to tek.

Brian: Mano adier, nimar onge ng’at makare chuth. Bende, e sula achielno nitie kwan matindo moro ma jiwowa ni wabed joma tiyo gi pachgi e yo makare. * Dichwo gi dhako mokendore nyaka bed moikore tur ne nyawadgi kendo bedo gi paro mowinjore. An kod jaoda, wasenwang’o ni Muma nyalo konyowa e yo ma kamano.

Eric: Iwacho adier.

Brian: Joneno mag Jehova nigi Websait moro ma oting’o weche ma nyalo konyo joma okendore kod joot. Ka in gi dakika matin, anyalo nyisi moko kuom gik ma yudore e Websaitno.

Eric: Onge wach. Inyalo kawo dakika matin.

Brian: Erokamano. Websaitno en www.mr1310.com. Ma e kaka ochalo.

Eric: To en gi piche mabeyo manade!

Brian: Magi gin pichni ma nyiso Joneno mag Jehova ka gilando wach maber ne ji. Ero wasechopo kama ne amanyo. Wijni wacho ni “Help for Couples and Parents.” E bwo wijno, nitie sula mopogore  opogore ma wuoyo e wi weche mopogore opogore. En sula mane ma mori kuomgi?

Eric: Mmm. Ma wacho ni “Solving Problems in Your Marriage.” Aparo ni mae nyalo konya!

Brian: Sulani nyiso okenge ang’wen ma ng’ato nyalo kawo mondo ologo chandruoge ma nyalo bedoe e kend. Ne ane gima paragrafni wacho. Donge inyalo some, Eric?

Eric: Kamano. Owacho kama: “Ka joma okendore ohero wuoyo e kindgi, biro bedonegi mayot nyisore hera kod luor.” Mmm, ahero kaka gilero kanyo.

Brian: Erokamano kuom somo maber. Nitie ndiko moro mar Muma moket kanyo. Inyalo diyo ndikono mondo wasom gima owacho.

Eric: Ee, asenene. En Jo-Efeso 5:33. Owacho kama: “Ng’ato ka ng’ato kuomu nyaka her chiege kaka oherore owuon; to dhako bende onego omi chwore luor matut.”

Brian: Donge ineno ka kanyo jiwo ni onego wami nyawadwa gima owinjore oyud?

Eric: Ok awinj maler gima itemo wacho.

Brian: Donge en adier ni ng’ama dichwo diher ni chiege omiye luor? To ng’ama dhako bende, donge doher ni chwore onyise hera?

Eric: Ee. Ayie gi wachno.

Brian: Kinde ka kinde ka dichwo temo matek nyiso chiege ni ohere, donge biro bedo mayot ne chiegeno mondo omiye luor matut?

Eric: Ee, aparo ni mano nyalo timore.

Brian: Omiyo, kata obedo ni ndiko ma yudore e Mumani ne ondik chiegni higni 2,000 mosekalo, owuoyo kuom gik ma ng’ama dichwo kod ng’ama dhako dwaro ni otimne, kendo ochiwo paro ma ka gitiyogo to nyalo konyogi. To kaluwore gi gima ne wasomocha, timo kamano biro miyo hera kod luor omedre e kend margi.

Eric: Asefwenyo ni kare nitie gik mang’eny e Muma ma nyalo konyo moloyo kaka asebedo ka aparo.

Brian: Mano ber, Eric. Daher ni warom kendo mondo wanon kama wacho ni “Four Steps to Solving Problems” ma yudore e wich ma ae wanono e Websait marwa. *

Eric: Arwaki kendo. Abiro nono wechego kendo kanyachiel gi jaoda kapok ibiro.