Zaburi 138:1-8
Zaburi mar Daudi.
138 Abiro paki gi chunya duto.+
Abiro paki gi wendeKata mana e nyim nyiseche mamoko.*
2 Abiro kulora piny ka achomo hekaluni maler,+Kendo abiro pako nyingi,+Nikech herani mosiko kaachiel gi adierani.
Iseting’o nyingi kod wachni malo moloyo gik mamoko duto.*
3 Ka ne aluongi, to niduoka;+Ne imiyo abedo gi chir kod teko.+
4 A Jehova, ruodhi duto mag piny biro paki,+Nikech gibiro winjo weche ma nisingo.
5 Gibiro wer ka gipako yore mag Jehova,Nimar duong’ mar Jehova lich miwuoro.+
6 Kata obedo ni Jehova ni malo, to orango jo mobolore,+Kata kamano, ong’eyo josunga kendo obor kodgi.+
7 Irito ngimana kata obedo ni awuotho e dier chandruok.+
Irieyo lweti mondo igeng’ mirimb wasika.
Lweti ma korachwich biro resa.
8 Jehova biro timona gik moko duto mosesingona.
A Jehova, herani osiko nyaka chieng’,+Kik ijwang’ tich lweti.+
Weche Moler Piny
^ Kata nyalo bedo, “Abiro goyoni thum ka akwedo nyiseche mamoko.”
^ Kata nyalo bedo, “Iseting’o nyingi malo moloyo weche duto ma nyingi nyiso.”
