¿Pje nee ra mama ke o sacrificio e Jesús ngeje dʼa “rescate kʼꞹ ro mbøsʼꞹ na punkjꞹ ntee”?

RI NEE RA A̸RGO KJA

Kʼo jizhi ne Biblia

Nu sacrificio e Jesús ngeje nu medio ke usa e Jehová ngekʼo ra mbøsʼꞹ ñe ra salva yo ntee a kjanu dya ra mbɇsʼiji pecado y dya ra nrru̱ji. Ne Biblia jizhi ke ko nu kjii e Jesús e Diosi o ngontrʼꞹ ne rescate (Efesios 1:7; 1 Pedro 1:18, 19). Ngekʼua, e Jesús o mama ke go e̱je̱ “a dar su vida como rescate por muchos” (Mateo 20:28, Biblia de Jerusalén, 1998).

Pje kja ni jyodꞹ dʼa “rescate kʼꞹ ro mbøsʼꞹ na punkjꞹ ntee”

E Adán, kʼꞹ otrʼꞹ bʼɇzo ke o dyⱥtrʼⱥ e Diosi, mi perfecto, dya mi pɇsʼi pecado. Xo mi pɇsʼi kʼa oportunidad ro mimi texe yo paa kja ne Xoñijomꞹ, pe ma dya go dyⱥtⱥ e Diosi go bʼɇzhi kʼa oportunidad (Génesis 3:17-19). E Adán xo go zopkʼꞹ o trʼii kʼe pecado (Romanos 5:12). Ngekʼo, ne Biblia mama ke e Adán go nzhøtsjɇ ñe xo go nzhøø o trʼii kja pecado ñe muerte, go jiɇztjo nzakja esclavos (Romanos 7:14). Nudya texeji ri imperfectogøji ngekʼua dyakjo søø ra mbɇsʼitrjo na yeje kʼꞹ o bʼɇzhi angeze (Salmo 49:7, 8).

E Dios me bo juɇntsʼe o trʼii e Adán, na ngeje dya mi pɇsʼiji esperanza (Juan 3:16). Pe zø ngeje justo, dya mi søø ro perdonao o pecadoji mꞹ dya ri bʼꞹbʼꞹ dʼa razón ke me ni mubi (Salmo 89:14; Romanos 3:23-26). Angeze me sʼiya yo ntee, ngekʼo go xampja ñe go unꞹ kʼe medio legal ke me mi jyodꞹ a kjanu søø ra perdonao yo ntee ñe ra chjotꞹ ne pecado (Romanos 5:6-8). Kʼe medio legal ngeje ne rescate.

¿Pje mbeje ne rescate?

Kja ne Biblia, ne jñaa rescate nʼaño kʼo nee ra mama:

Ngeje ne precio ke dʼaja ra ngontrʼꞹ (Números 3:46, 47).
Nudyama, dʼa ntee søø ra mbɇsʼi na yeje o libertad o nukʼo bi bʼɇzhi (Éxodo 21:30).
Ne precio ke ri tsʼontrʼꞹ ixi chjentrjui kʼe precio ke vale nukʼo go bʼɇzhi. a

Ra nuji ke yo jñii significado go jñetsʼe ma e Jesucristo o sacrificao o vida.

Ne precio ke dʼaja ra ngontrʼꞹ. Ne Biblia mama ke “o tsʼontrʼꞹ dʼa precio” por yo cristianos (1Corintios 6:20; 7:23). Kʼe precio ngeje o kjii e Jesús, ma go sacrificao o vida je bo nrro̱mꞹkʼua “para e Diosi yo ntee ke menzumꞹji kja texe yo tribu, lengua, pueblo ñe nación” (Revelación [Apocalipsis] 5:8, 9).
Nu liberación. Nu sacrificio e Jesús søø ra dyakꞹgøji i liberación ngekʼua dya ra pɇsʼiji pecado (1 Corintios 1:30; Colosenses 1:14; Hebreos 9:15).
Nu equivalencia. Ne vida ke e Jesús go sacrificao ixi chjentrjui nu vida humana perfecta ke e Adán go bʼɇzhi (1 Corintios 15:21, 22, 45, 46). Ne Biblia mama: “Ngekʼua, na punkjꞹ o zⱥdʼⱥji ro tsjaji nzhuma kʼꞹ je na nge dʼatrjo bʼɇzo [Adán] ke dya go dyⱥtⱥ e Diosi, pe xo ga kjatrjo na punkjꞹ ntee ra tsjaji justo kʼꞹ je na ngeje dʼatrjo bʼɇzo [Jesucristo] ke go dyⱥtⱥ e Diosi” (Romanos 5:19). A kjanu ri tendioji pjenga ne sacrificio dʼatrjo bʼɇzo o mbøsʼꞹ na punkjꞹ ntee. Ngekʼo, ne sacrificio e Jesús ngeje dʼa “rescate correspondiente por texe” yo ntee ke nee ra beneficiaoji (1 Timoteo 2:5, 6).

a Kja yo idiomas originales kꞹ o dyøpjꞹji ne Biblia ne jñaa “rescate” significao dʼa precio ke kjontrʼꞹji o pje kʼo pøtpꞹji kʼo na mizhi ngekʼua ra mbɇsʼiji dʼa cosa. Nzakja, ne jñaa hebrea kafár significao “cubrir” (Génesis 6:14). Mꞹ ne Biblia ñaa de nu pecado kafár nee ra mama cubrir los pecados (Salmo 65:3). Ne jñaa hebrea kófer significao kʼo chʼunꞹji, ngekʼua, nrro ra mbɇsʼi kʼꞹ o bʼɇzhi o ra liberaoji (Éxodo 21:30). Je xo a kjanu, ne jñaa griega lýtron, significao “rescate”, ñe xo significao “precio de redención” (Mateo 20:28, The New Testament in Modern Speech, de R. F. Weymouth). Yo escritores griegos mi usaji ne jñaa ma mi nⱥdʼⱥji ne precio kꞹ ro tsʼontrʼꞹ ngekʼua ro rescataoji dʼa prisionero de guerra o ro liberaoji dʼa esclavo.